У, расце, густым, сасна, лесе, стройная.

Практ.176 вучні выконваюць вусна.

Затым школьнікі чытаюць услых дадзеныя пабуджальныя сказы з такой інтанацыяй, каб яны сталі клічнымі.

Будзь ветлівым. Абараняй малодшых. Умей ладзіць з людзьмі. Паважай старэйшых. Вучыся старанна. Беражы кнігі.

Практ. 180 і 182 вучні выконваюць вусна.

Заданне: назваць “словы-памочнікі” клічных сказаў;

Выкарыстаць іх пры выкананні практ.184.

7. Замацаванне ведаў.

Пісьмо па памяці

Практ.181 (другі слупок).

Самастойная работа ў групах

Выпісаць клічныя сказы.

1гр. – практ.178, 2 гр. – практ.183, 3 гр.– практ.185.

Абарона выкананых заданняў.

8. Падагульненне вывучанага.

Гульня “Настаўнік – вучань”.“Закончы сказ”

· Па мэце выказвання сказы могуць быць … (апавядальныя, пытальныя, пабуджальныя);

· у залежнасці ад таго, як яны вымаўляюцца могуць быць… (клічныя і няклічныя).

· Што выражаюць клічныя сказы?

· Якія “словы-памочнікі” выкарыстоўваюцца ў клічных сказах?

9. Рэфлексія.

ü Якое заданне выконвалі весела?

ü Што выконвалася на ўроку з сумам?

ü Якая работа выклікала здзіўленне?

10. Дамашняе заданне:практ.186

Урок 22

Тэма:“Сувязь слоў у сказе. Галоўныя і даданыя члены сказа”.

Мэты: фарміраваць прадстаўленне пра сувязь слоў у сказе; даць паняцце пра значэнне галоўных і даданых членаў сказа; ствараць умовы для развіцця звязнага маўлення вучняў.

Абсталяванне:падручнікі,перакладныя слоўнікі,табліца “Галоўныя члены сказа”, індывідуальныя карткі, дыдактычны матэрыял па тэме.

                                                                    Ход урока

1. Арганізацыйны момант.Псіхалагічны настрой на работу. “Раз, два, тры! Усмешку сябру падары!”

2. Праверка дамашняга задання.

Прачытаць заданні на картках. Паставіць патрэбныя знакі прыпынку ў канцы сказаў. Падкрэсліць пабуджальны сказ.

Дзе былі вы, зайчаняткі (____)

Загаралі каля градкі (____)

А куды пасля прапалі (____)

Маме дома памагалі (____) Мылі міскі, мылі лыжкі, акуратна склалі кніжкі (____)

Ну а што пасля рабілі (____)

Да мядзведзіка хадзілі (____) Пазаўчора яму дзед падарыў веласіпед (____) І цяпер мы на палянцы разам вучымся катацца (____) Хочаш, з намі павучыся – толькі ты, глядзі, не біся (____)

3. Арфаграфічная хвілінка.

“Асцерагаемся памылкі”

Успомніць, як абазначаецца мяккасць зычных на пісьме. Уставіць прапушчаныя літары. Растлумачыць правапіс выдзеленых літар.

Вос..нь, вос..нь залатая
сее чары на з..млі.

У с..нім н..бе хмарка тае,
рвуцца ўвырай жураўлі.

· Пра якую дзіўную пару прачыталі?

· Як можна назваць яе інакш?

Работа з перакладнымі слоўнікамі. Гульня “Перакладчыкі”

Паўтарэнне правапісу ў.

Развіццё маўлення “Хвілінка творчасці”.

Скласці сказ па малюнку да практ.190. Запісаць, падкрэсліць галоўныя члены сказа. Выпісаць словы, звязаныя паміж сабой па сэнсе.

8. Падагульненне вывучанага.

Вучні робяць вывад:

· Словы ў сказе звязаны паміж сабой ....

· Сувязь слоў у сказе ўстанаўліваецца з дапамогай…

· Галоўныя члены сказа - … і …

9. Рэфлексія.

ü Сёння на ўроку:

ü Я ўспомніў…

ü Мне было цікава…

ü Мне было цяжка…

10. Дамашняе заданне:практ.192

Урок 23.

Тэма:“Сувязь слоў у сказе. Галоўныя і даданыя члены сказа

Мэты: выпрацоўваць уменні ўстанаўліваць сувязь слоў у сказе; вучыць вызначаць галоўныя і даданыя члены сказа; развіваць маўленне вучняў.

Абсталяванне:падручнік, дыдактычны матэрыял па тэме.

                                                                    Ход урока

1. Арганізацыйны момант.

2. Праверка дамашняга задання.

Узаемаправерка дамашняга практыкавання.

· Як па новых правілах беларускай арфаграфіі і пунктуацыі можна перанесці слова ўзлессі?

3. Чыстапісанне.

ц у цу цв

цвісці расце чацвер

4. Арфаграфічная хвілінка.

Прачытаць верш Э.Агняцвет. Знайсці ў вершы слоўнікавае слова, вывучанае на папярэднім уроку. Уставіць прапушчаныя літары, растлумачыць іх правапіс. Выпісаць словы з устаўленымі літарамі ў сшыткі.

Зв..няць крыніцы, як цымбалы,

сц..жынкі свецяць у л..сах.

Палі, узгоркі, перавалы –

прасторны шлях, далёкі шлях!

· У якіх словах ёсць толькі цвёрдыя зычныя гукі?

· Назваць словы, у якіх ёсць толькі мяккія зычныя гукі.

5. Слоўнікавая работа.

Знайсці аднолькавыя геаметрычныя фігуры. Злучыць іх і прачытаць словы. (увосень узімку увесну улетку)

Запісаць іх.

3 шт 3 шт

Вусна скласці сказы з атрыманымі словамі.

6. Вывучэнне новага матэрыялу.

Работа па падручніку

Практ.193.вусна.

· Аб чым паведамляе спадар Сказ?

Дадзены сказ Шпакі адлятаюць.З дапамогай “цаглінак-слоў”  на яго аснове пабудаваць новыя сказы.

Напрыклад:

Увосень шпакі адлятаюць.

Увосень шпакіадлятаюць у вырай.

Увосень чародкамі шпакіадлятаюцьу вырай.

Увосень невялікімі чародкамі шпакіадлятаюцьу вырай.

Работа над апошнім сказам.

· Паставіць пытанні да выдзеленых слоў.

· Як называюцца выдзеленыя словы?

· Як называюцца члены сказа, якія далучаюцца да галоўных?

· На якія пытанні могуць адказваць даданыя члены сказа?

· Паставіць пытанні ад выдзеленых слоў да астатніх.

Запісаць апошні сказ у сшыткі. Падкрэсліць галоўныя члены сказа.

Работа па малюнку. Практ.194..

· Якія даданыя члены сказа залежаць ад дзейніка, а якія – ад выказніка?

7. Замацаванне ведаў.

Творчая работа

Вучні атрымліваюць заданне для самастойнай работы на выбар:

1. Дапоўніць сказы адным-двума словамі. Запісаць, падкрэсліць галоўныя члены сказа.

Празвінеў званок. Вучні сабраліся. Пачаўся ўрок. Дзеці рашаюць. Косцік адказвае.Каця запісвае.

2. Практ.196.

3. Практ.197.

8. Падвядзенне вынікаў.

Работа ў парах

Са слоў скласці сказ.Вусна паставіць пытанні ад дзейніка і выказніка да астатніх даданых членаў сказа. Потым - ад адных даданых членаў сказа да іншых.

(У густым лесе расце стройная сасна.)