Бөтенсоюз совет газеталары.

↑

⇐ ПредыдущаяСтр 7 из 25Следующая ⇒

Иң киң таралган бөтенсоюз совет газетасы – “Правда”. Ул озак еллар коммунистлар фиркасе (РСДРП, ВКП(б), КПСС) төп матбугат органы булып торган, көндәлек басма.

Советлар Берлегенең җитмеш биш елга якын төп матбугат органы саналган “Правда” газетасын Ленин 1912 елның 5 маенда Петроградта оештырып чыгара башлый. Патша хөкүмәте беренче ике елда газетаны сигез тапкыр яба, аның җитәкчеләрен, активистларын эзәрлекли. Ул кара дәвердә исемен берничә тапкыр алмаштырырга мәҗбүр ителсә дә, матбугат басмасы үз юлыннан тайпылмыйча бара, изүчеләргә каршы көрәштә хезмәт ияләрен, зыялыларны, иҗат кешеләрен, хәрбиләрне туплаучы көчкә әверелә. Ил башкаласы белән бергә 1918 елның 16 мартында “Правда” редакциясе Мәскәүгә күченә.

1991 елда Советлар Берлеге җимертелеп ташланганда аны чыгаруны туктатып торалар. Шул ук елдан ул Русия Федерациясе Коммунистлар фиркасе органы булып нәшер ителеп килә.

«Комсомольская правда» 1925 елның 25 маеннан бирле ВЛКСМның рәсми матбугат органы буларак чыгып килә. Шул ук елның августыннан бөтенсоюз газетасы буларак бастырыла.

Алдан яшьләр өчен бастырылган. Газетада Маяковский, Гайдар кебекләрнең әсәрләре бастырылган.

Беренче тапкыр төрле төсләрдә әлеге газета дөнья күрә. 1984 елдан “Собеседник” кушымтасы да бастырыла.

“Пионерская правда” бөтенсоюз балалар газетасы. 1925 елдан Мәскәүдә чыга башлый. 1928 елга кадәр яшь пионерларның атналык газетасы, 1928 елдан алып атна ике тапкыр яшь пионер һәм мәктәп укучылары өчен бастырыла. Крупская, Ульянова, Горький, Маяковский, Гайдар, Маршак, Кассиль һ.б. сәясәтчеләрнең, язучы-шагыйрьләрнең әсәрләре, хезмәтләре дөнья күрә. Совет пионерлары һәм мәктәп укучылары тормышын яктырта.

1991 елдан газета юнәлешен үзгәртә, сәясәт турында язмый башлый һәм балалар һәм яшүсмерләр газетасы булып чыга башлй.

Шулай ук “Известия” (1917 елдан алып), “Гудок” (1917 елдан), “Литературная газета” (1929 елдан), “Аргументы и факты” (1978 елдан) һ.б. газеталар дөнья күргән. Алар бер идеологияне пропагандалаганнар.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США