Арқалықтық тақтасы бар қырлы тұтасқұймалы аражабындар

↑

▷ Содержание

Стр 1 из 10Следующая ⇒

                                                 КІРІСПЕ

Жазық темірбетон аражабындары өнеркәсіп және азаматтық ғимараттар мен құрылымдарда кеңінен таралған конструкцияларға жатады. Олардың жоғары индустриалдығы, үнемділігі, отқа төзімділігі және ұзақ уақытқа шыдамдылығы құрылыста кеңінен қолдануына себеп болды.

Темірбетон аражабындарын конструктивтік схемалары бойынша екі негізгі топқа бөлуге болады: арқалықтық және арқалықсыз.

Арқалықтық аражабындылар көлденең және бойлық бағыттарда орналасқан арқалықтар мен оларға тірелген және олармен бірге жұмыс істейтін тақталардан құралады.

Арқалықсыз аражабындыларда тақталар ұстынның жоғары басы кеңейтілген, капитель деп аталатын бөлігіне тікелей тіреледі.

Салу әдісі бойынша аражабындылар жиналмалы, тұтасқұймалы және жинамалы-тұтасқұймалы болады.

Аражабындының конструктивтік элементтер құрамындағы тақта, өзінің тірелетін жақтар қатынасына байланысты:

– арқалықтық болады, егер де жақтарының қатынасы l₂/l₁≥2 болса, ол кіші жақ бағыты бойынша иілуге жұмыс істейді, үлкен жақ бағыты бойынша шамасы кіші болғандықтан иілу моменті ескерілмейді;

– контур бойымен тірелген болады, егер де жақтарының қатынасы l₂/l₁<2 болса, екі бағытта да иілуге жұмыс істейді, жұмыстық арматура айқасқан түрде қабылданады.

Әр жағдайда аражабынды конструкциялар түрлері ғимараттың арналуына, әсер ететін жүктемелерге, жергілікті жағдайларға және т.б. байланысты экономикалық тиімділігі бойынша қабылданады.

Қырлы тұтасқұймалы аражабындар қысқа бағытта жұмыс істейтін тақтадан, көмекші және бас арқалықтардан құралады. Тақта көмекші арқалықтарға тіреледі, ал көмекші арқалықтар бас арқалықтарға тіреледі, олардың тіректері ұстын немесе қабырғалар болады.

  Тұтасқұймалы аражабындының жобалауына конструктивтік схеманы жинақтау; тақта, көмекші мен бас арқалықтарды есептеу және оларды құрастыру жұмыстары кіреді.

   Конструктивтік схема жинақтауына ұстындар қадамын және арақашықтығын таңдауы, бас арқалықтардың бағыты белгілеуі, көмекші арқалықтардың қадамын таңдауы жатады.

    Конструктивтік схема жинақтауы ғимараттардың тағайындауына, сәулет-жобалық шешімдеріне, техника- экономикалық көрсеткіштеріне тікелей байланысты.

Познавательные статьи:



Техника прыжка в длину с разбега

Тактические действия в защите

История Олимпийских игр

История развития права интеллектуальной собственности