Други́й кано́н усо́пшым, Гла́с 1.

↑

▷ Содержание

⇐ ПредыдущаяСтр 9 из 14Следующая ⇒

Други́й кано́н усо́пшым, Гла́с 1.

Ирмо́с: Обы́де на́с после́дняя бе́здна, не́сть избавля́яй, вмени́хомся я́ко о́вцы заколе́ния, спаси́ лю́ди Твоя́ Бо́же на́ш: Ты́ бо кре́пость немощству́ющих и исправле́ние.

Я́ко милосе́рд, преста́вленным да́руй прегреше́ний проще́ние, и ве́чное наслажде́ние подая́, иде́же сия́ет лица́ Твоего́ све́тлость, и озаря́ет страстоте́рпцы Твоя́.

И́же кро́вию от ре́бр Твои́х исте́кшею ми́р искупи́л еси́, ве́рою усо́пшыя у́бо Христе́ изба́ви честны́ми Страстьми́ Твои́ми: Ты́ бо це́ну за все́х Себе́ да́л еси́.

И́же созда́вый мя́ рука́ма пречи́стыми пе́рвее и ду́х дарова́вый, и к земли́ низпа́дша зле́, па́ки обнови́вый красне́йше, ны́не ду́шы преста́вльшихся Са́м упоко́й.

Сла́ва: Черто́гу Твоему́ светоно́сному Го́споди, всели́ти сподо́би, я́же в ве́ре к Тебе́ усо́пшыя, те́х презира́я прегреше́ния, я́ко бла́г и милосе́рд и многоми́лостив.

Богоро́дичен: Пое́м Тя́ Благослове́нная Си́стая, Ея́же ра́ди на́м возсия́ су́щым во тьме́ и се́ни сме́ртней, пра́вды незаходи́мое Со́лнце: Ты́ во на́шего спасе́ния хода́таица была́ еси́.

Пе́снь 7.

Кано́н святы́м му́чеником, и святи́телем, и преподо́бным и усо́пшым, Гла́с 1.

Ирмо́с: Су́щым в пещи́ отроко́м Твои́м Спа́се, не прикосну́ся, ниже́ стужи́ о́гнь. Тогда́ трие́ я́ко еди́неми усты́ поя́ху и благословля́ху, глаго́люще: благослове́н Бо́г оте́ц на́ших.

Искуси́вшеся я́ко зла́то во огни́ му́ченицы все́ми му́ками, светле́йше вся́каго зла́та в любви́ Боже́ственней яви́шася, и в сокро́вищах небе́сных сохране́ни бы́ша.

Я́ко Свяще́нницы, Я́ко Боже́ственнии слуги́ бы́вше, вси́ святи́телие свяще́ннии принесо́сте бо́гу же́ртвы безкро́вныя, и лю́ди упа́сше, иде́же вели́кий па́стырь всели́стеся.

Не покори́вшеся страсте́м пло́ти, безстра́стием я́ко в ри́зу та́йну преподо́бнии обле́кшеся, сожи́телие а́нгелом яви́шася: и́хже моли́твами Христе́, изба́ви на́с от искуше́ний.

Сла́ва: Иде́же пи́ща е́сть та́йная, иде́же сия́ет Све́т лица́ Твоего́ Христе́, я́же от на́с преста́вльшыяся в ве́ре Благода́телю всели́, сла́вити благоче́стно твою́ благосты́ню.

Богоро́дичен: Тебе́ Всесвята́я, Пречи́стая, святы́я жены́ иму́ще добро́ту, лику́ют со А́нгелы ра́достно, и Бо́га Сло́ва сла́вят ро́ждшагося Пло́тию из Тебе́, за милосе́рдие мно́гое.

Познавательные статьи:



Коммуникативные барьеры и пути их преодоления

Рынок недвижимости. Сущность недвижимости

Решение задач с использованием генеалогического метода

История происхождения и развития детской игры