Други́й кано́н усо́пшым, Гла́с 1.

↑

▷ Содержание

⇐ ПредыдущаяСтр 6 из 14Следующая ⇒

Други́й кано́н усо́пшым, Гла́с 1.

Ирмо́с: Еди́не Ве́дый челове́ческаго существа́ не́мощь, и ми́лостивно в не́ вообра́жся, препоя́ши мя́ с высоты́ си́лою, е́же вопи́ти Тебе́ Святы́й: одушевле́нный хра́ме неизрече́нныя сла́вы Твоея́ Человеколю́бче.

Я́ко Еди́н Бла́г сы́й, я́ко Еди́н Многоми́лостив, я́же благоче́стно к Тебе́ отше́дшыя, в Небе́сных селе́ниих упоко́й, иде́же неизрече́нная ра́дость и наслажде́ние, и иде́же собо́р му́ченический весели́тся.

Ты́ еди́н яви́лся еси́ на земли́, Спа́се мо́й безгре́шен, и́же грехи́ ми́ра взе́мляй я́ко милосе́рд: от ми́ра сего́ преста́вльшихся ве́рою, ду́шы упоко́й во дво́рех святы́х Твои́х, в сла́дости ра́йстей Человеколю́бче.

Сла́ва: Сме́рти держа́ву низло́ж, живо́т неконча́емый все́м ве́рным источи́л еси́ Влады́ко: в то́м у́бо учини́ благоче́стно отше́дшыя, презира́я безме́рная прегреше́ния, и проща́я грехи́ и́х Человеколю́бче.

Богоро́дичен: Без се́мене зача́т Чи́стая, Сло́во присносу́щное, пло́тски к на́м прише́дшее, и сме́рти кре́пость разори́вшее, и ме́ртвым воскре́сение и жи́знь ве́чную Свои́м милосе́рдием да́рующее.

Пе́снь 4.

Кано́н святы́м му́чеником, и святи́телем, и преподо́бным и усо́пшым, Гла́с 1. 

Ирмо́с: Услы́шах Го́споди слу́х Тво́й, и убоя́хся, разуме́х дела́ Твоя́, проро́к глаго́лаше, и просла́вих си́лу Твою́.

Претерпе́вше му́ченицы вся́кия ра́ны, нра́вом до́блественным, я́коже овча́та непоро́чная Христу́ приведо́стеся, за все́х Закла́вшемуся Животу́.

Уста́ Боже́ственная бы́вше святи́телие Бо́жиим Сло́вом науча́еми, ду́шы изба́виша от у́ст льсти́ваго: и́хже благочестному́дренне почита́ем.

Кре́пцы Боже́ственным ду́хом бы́вше отцы́ Боже́ственнии, кре́пко победи́сте духо́в лука́вствия, преподо́бнии благода́тию.

Сла́ва: Умертви́вся Животе́ на́ш во́лею на дре́ве, и́же ве́рою преше́дшыя живота́ сподо́би ве́чнаго Человеколю́бче.

Богоро́дичен: Не отверго́шася Го́спода же́нский ли́к, стра́ждуще му́жески: и не победи́шася теле́сными сластьми́ святи́и, споспе́шницу Тя́ иму́ще Пречи́стая.

Познавательные статьи:



Техника прыжка в длину с разбега

Тактические действия в защите

История Олимпийских игр

История развития права интеллектуальной собственности