Та́же, Ны́не отпуща́еши: Трисвято́е, и по О́тче на́ш: Тропа́рь, и отпу́ст.

↑

▷ Содержание

⇐ ПредыдущаяСтр 3 из 14Следующая ⇒

Та́же, Ны́не отпуща́еши: Трисвято́е, и по О́тче на́ш: Тропа́рь, и отпу́ст.

В суббо́ту на у́трени

по 1-м стихосло́вии седа́льны му́ченичны. Гла́с 1:

Страда́ния похвало́ю, и вене́чною по́честию, сла́внии страстоте́рпцы оде́явшеся Тобо́ю Го́споди, терпе́нием у́бо ра́н беззако́нных победи́ша, и си́лою Боже́ственною от небе́с побе́ду прия́ша: те́х моли́твами и на́с свободи́ от неви́димаго врага́ Спа́се, и спаси́ на́с.

Сти́х: Ди́вен Бо́г во святы́х Свои́х, Бо́г Изра́илев.

Я́ко до́брии во́ини единому́дренно ве́ровавше, преще́ния мучи́телей не убоя́стеся святи́и, приидо́сте усе́рдно ко Христу́ взе́мше честны́й кре́ст: и сконча́вше тече́ние, с небесе́ побе́ду прия́сте. Сла́ва укре́пльшему вы́: сла́ва венча́вшему вы́: сла́ва де́йствующему ва́ми все́м исцеле́ния.

Подо́бен: Гро́б Тво́й Спа́се:

Сти́х: Ду́шы и́х во благи́х водворя́тся.

В ме́сте све́тле, в ли́це пра́ведных Упоко́й Спа́се, к Тебе́ преста́вльшихся: на Тя́ бо упова́ние человеколю́бче возложи́ша: приими́ моле́ние о отце́х и ча́дех, и́мже соверша́ем па́мять: и оправди́ те́х, Я́ко Многоми́лостив.

Сла́ва, и ны́не, Богоро́дичен: Гаврии́лу веща́вшу Тебе́ Де́во, ра́дуйся: со гла́сом воплоща́шеся все́х Влады́ка, в Тебе́ святе́м киво́те, я́коже рече́ пра́ведный Дави́д, яви́лася еси́ ши́ршая небе́с, поноси́вши Зижди́теля Твоего́: Сла́ва Все́льшемуся в Тя́: сла́ва Проше́дшему из Тебе́: сла́ва Свободи́вшему на́с рождество́м Твои́м.

По 2-м стихосло́вии седа́льны. Гла́с 1:

Ра́нами святы́х, и́же по Тебе́ пострада́ша, умоле́н бу́ди Го́споди: и вся́ на́шя боле́зни и стра́сти исцели́ Человеколю́бче, мо́лимся.

Сти́х: Мно́ги ско́рби пра́ведным, и от все́х и́х изба́вит я́ Госпо́дь.

Му́ченики Христо́вы мо́лим вси́, и любо́вию прии́дем к ни́м с ве́рою: си́и бо о на́шем спасе́нии про́сят, и си́и вси́ источа́ют исцеле́ний благода́ть, си́и полки́ отгоня́ют бесо́вския, я́ко сохра́нницы ве́ры.

Познавательные статьи:



Где возникла философия и почему?

Относительная высота сжатой зоны бетона

Сущность проекции Гаусса-Крюгера и использование ее в геодезии

Тарифы на перевозку пассажиров