Други́й кано́н усо́пшым, Гла́с 1.
Содержание книги
- на Го́споди воззва́х, стихи́ры святы́м му́чеником, и святи́телем, и преподо́бным. Гла́с 1.
- Сти́х: я́ко утверди́ся ми́лость Его́ на на́с, и и́стина госпо́дня пребыва́ет во ве́к.
- Та́же, Ны́не отпуща́еши: Трисвято́е, и по О́тче на́ш: Тропа́рь, и отпу́ст.
- Сти́х: Блаже́ни, я́же избра́л и прия́л еси́ Го́споди.
- Припе́в: Ди́вен Бо́г во святы́х свои́х, Бо́г Изра́илев.
- Други́й кано́н усо́пшым, Гла́с 1.
- Други́й кано́н усо́пшым, Гла́с 1.
- Други́й кано́н усо́пшым, Гла́с 1.
- Други́й кано́н усо́пшым, Гла́с 1.
- Други́й кано́н усо́пшым, Гла́с 1.
- Та́же, пе́снь Богоро́дицы: Вели́чит душа́ моя́ Го́спода: И про́чыя стихи́, с припе́вы.
- Други́й кано́н усо́пшым, Гла́с 1.
- На стихо́вне стихи́ры поко́йны. Творе́ние ки́р феофа́на. Гла́с 1.
- Сти́х: Блаже́ни кро́тции, / я́ко ти́и насле́дят зе́млю.
Други́й кано́н усо́пшым, Гла́с 1.
Ирмо́с: Просвети́вый сия́нием прише́ствия Твоего́ Христе́, и освети́вый кресто́м Твои́м ми́ра концы́, сердца́ просвети́ све́том Твоего́ богоразу́мия, правосла́вно пою́щих Тя́.
Исцеля́яй от я́да сме́ртнаго, сме́рть прия́т, и сме́рти жа́ло притупи́л еси́: но Са́м упоко́й, и́хже прия́л еси́ жизнода́вче, му́ченик мольба́ми.
Умерщвле́ния и тле́ния челове́ки свободи́вый, ду́шы ве́рно преста́вленных учини́ во дво́рех святы́х Твои́х, отню́дуже отбеже́ вся́ка ско́рбь, и весе́лие водворя́ется.
Сла́ва: Ра́й у́бо с Тобо́ю пове́шенному, я́ко отве́рзл еси́: ны́не приими́, ду́шы Влады́ко, к Тебе́ ве́рою преста́вльшыяся, подая́ и́м в Це́ркви пе́рвенец водвори́тися.
Богоро́дичен: Избавля́ющи на Тя́ наде́жды держа́ву иму́щих, к приста́нищу Боже́ственныя во́ли ти́хо наста́ви, ма́терним Твои́м дерзнове́нием к Сы́ну Твоему́, Благослове́нная Всенепоро́чная.
Пе́снь 6.
Кано́н святы́м му́чеником, и святи́телем, и преподо́бным и усо́пшым, Гла́с 1.
Ирмо́с: Проро́ка Ио́ну подража́я вопию́: живо́т мо́й Бла́же, свободи́ из тли́, и Спаси́ мя, спа́се ми́ра, зову́ща: сла́ва Тебе́.
Умерщвле́ни бы́вше ра́н мно́гих наведе́ньми, жи́знь и́стинную насле́довасте вку́пе, моля́щеся спасти́ся все́м на́м, святи́и му́ченицы.
Денни́цы светоза́рныя позна́ни бы́сте на земли́, благоче́стия све́том озари́сте ве́рныя, пресла́внии Христо́вы ору́жницы, и святи́телие прему́дрии.
Стра́нни яви́стеся на земли́, и гра́ждане небе́снии, богоно́снии по́стницы, умертви́вше пло́ти мудрова́ния воздержа́нием и смире́нием.
Сла́ва: Невече́рнему Твоему́ Све́ту, и сла́дости и́стинней, я́же преста́вил еси́ ве́рныя, покажи́ прича́стники Человеколю́бче, и святы́х собо́ром си́х сопричти́.
Богоро́дичен: И́же пострада́вшыя кре́пко, и пости́вшыяся те́пле, Тобо́ю псало́мски во сле́д приведо́шася Христу́, всепе́тая Богороди́тельнице, вся́ческих Царю́.
|
