Припев: Преподо́бне о́тче Виссариóне, моли́ Бо́га о на́с.

↑

⇐ ПредыдущаяСтр 6 из 13Следующая ⇒

Пе́снь 9.

Ирмо́с: От Бо́га Бо́га Сло́ва, неизрече́нною му́дростию прише́дшаго обнови́ти Ада́ма, я́дию в тле́ние па́дшаго лю́те, от Святы́я Де́вы неизрече́нно воплоти́вшагося на́с ра́ди, ве́рнии, единому́дренно пе́сньми велича́ем.

Припев: Преподо́бне о́тче Виссариóне, моли́ Бо́га о на́с.

Кре́пости низложи́л еси́ льсти́ваго, кре́постию препоя́сан духо́вною, и яви́лся еси́ си́лен на стра́сти, преблаже́нне, сего́ ра́ди чуде́с благода́ти прие́м от Бо́га, ве́рным исцелева́еши неисце́льныя неду́ги.

Припев: Преподо́бне о́тче Виссариóне, моли́ Бо́га о на́с.

Яви́ся твоя́ ве́лия сла́ва, я́же по Бо́зе, все́й тва́ри, просвеща́я ве́рныя свяще́нными уподобле́нии непоро́чнаго твоего́ жития́, богому́дре Виссарио́не, вои́стинну мона́хов украше́ние и отце́в верхо́вниче.

Припев: Преподо́бне о́тче Виссариóне, моли́ Бо́га о на́с.

Стеня́, пла́ча и се́туя, умиле́нием сле́зным кропя́ зе́млю при́сно, о́тче богому́дре, соверша́л еси́, до́ндеже обре́л еси́ боже́ственное утеше́ние, во гра́де Бо́жии со все́ми святы́ми, преподо́бне, всели́вся.

Припев: Преподо́бне о́тче Виссариóне, моли́ Бо́га о на́с.

Процве́л еси́, о́тче, я́ко кри́н, доброде́тельными благово́нии на́ша облагово́нствуя ду́ши. Те́мже сотворя́ем па́мять твою́, злосмра́дия согреше́ний про́сим изба́витися тебе́ ра́ди, Виссарио́не, и вся́каго де́монскаго озлобле́ния.

Богоро́дичен: Умовре́дно согреша́я, неиспра́влен пребыва́ю, мно́гим нечу́вством объюроде́в. Те́мже зову́ Ти́, Влады́чице: в такове́й ну́жди су́ща посети́ мя́ ны́не и уврачу́й стра́сти смире́ннаго се́рдца моего́.

Тропарь преподобным Виссариону, чудотворцу Египетскому и Илариону Новому, глас 4:
Боже отец наших, творяй присно с нами по Твоей кротости, не остави милость Твою от нас, но молитвами их в мире управи живот наш.

Величание:
Ублажаем тя, преподобне отче Виссарионе, и чтим святую память твою, наставниче монахов и собеседниче ангелов.

Из поучений святого Виссариона:

«Иноку следует быть как бы оком, подобно херувимам и серафимам; и если кто живет мирно, не имея искушений, такому еще более нужно бодрствовать и смирять

себя перед Богом, дабы как-нибудь, возгордившись, не впасть в какое-либо большее согрешение; ибо, по причине гордости, многие впадают в брань со диаволом; иногда Бог ради нашей немощи не посылает нам испытаний, дабы мы не погибли совершенно»

Познавательные статьи:



Организация работы процедурного кабинета

Статус республик в составе РФ

Понятие финансов, их функции и особенности

Сущность демографической политии