Из поучений: Отчего мы ныне так мало видим чудес.

↑

Стр 1 из 13Следующая ⇒

Святой остановивший солнце.

Из поучений: Отчего мы ныне так мало видим чудес?

Канон святому преподобному Виссариону Египетскому

Пе́снь 1.

Ирмо́с: Гряди́те, лю́дие, пои́м пе́снь Христу́ Бо́гу, разде́льшему мо́ре и наста́вльшему лю́ди, я́же изведе́ из рабо́ты еги́петския, я́ко просла́вися.

Припев: Преподо́бне о́тче Виссариóне, моли́ Бо́га о на́с.

Пое́т Бо́гу Це́рковь, лику́ющи в па́мяти твое́й дне́сь, богодохнове́нне Виссарио́не, и ве́рою сла́вит вели́кия, о́тче, по́двиги твоя́.

Припев: Преподо́бне о́тче Виссариóне, моли́ Бо́га о на́с.

Ра́б Бо́гу я́влься, порабо́тил еси́ душе́вными си́лами стра́сти теле́сныя и свобо́дь вся́кия зло́бы яви́лся еси́, о́тче всечу́дне.

Припев: Преподо́бне о́тче Виссариóне, моли́ Бо́га о на́с.

Украси́вся добро́тами по́двиг твои́х, сосу́д яви́лся еси́ благопотре́бен Боже́ственнаго Ду́ха, Того́ де́йствия вмеща́ющь, Виссарио́не блаже́нне.

Богоро́дичен: Ду́ш льсте́ц мя́ привлече́ в поги́бельный ро́в, но мне́ простри́ держа́вную Твою́ ру́ку и ско́ро, Богоро́дице, к све́ту возведи́.

Пе́снь 3.

Ирмо́с: На ка́мени мя́ ве́ры утверди́в, разшири́л еси́ уста́ моя́ на враги́ моя́, возвесели́бося ду́х мо́й, внегда́ пе́ти: не́сть свя́т, я́коже Бо́г на́ш, и не́сть пра́веден, па́че Тебе́, Го́споди.

Припев: Преподо́бне о́тче Виссариóне, моли́ Бо́га о на́с.

Возше́л еси́ на высоту́ безстра́стия, вше́л еси́ во мра́к боговиде́ния, прия́л еси́ в се́рдцы твое́м боже́ственный зако́н, и́мже укре́плься, свети́льник пресве́тел мона́шествующих, преподо́бне, бы́л еси́.

Припев: Преподо́бне о́тче Виссариóне, моли́ Бо́га о на́с.

Познавательные статьи:



Техника нижней прямой подачи мяча

Комплекс физических упражнений для развития мышц плечевого пояса

Стандарт Порядок надевания противочумного костюма

Общеразвивающие упражнения без предметов