Припев: Преподо́бне о́тче Виссариóне, моли́ Бо́га о на́с.

↑

⇐ ПредыдущаяСтр 5 из 13Следующая ⇒

Све́ту сраствори́вся невеще́ственному, чи́ст све́т бы́л еси́ и быстрину́ речну́ю преше́л еси́, омочи́в ника́коже стопы́ твоя́: по стезя́м же пра́вым, богому́дре Виссарио́не, ходи́л еси́, греха́ му́тныя изсуши́в во́ды.

Припев: Преподо́бне о́тче Виссариóне, моли́ Бо́га о на́с.

О, чу́до стра́шно! Ка́ко непива́емыя иногда́ во́ды пие́мы сотвори́л еси́ боже́ственным назнамена́нием и речну́ю быстрину́ преше́л еси́, тече́ние же удержа́л еси́ со́лнечное, Виссарио́не богому́дре, богозна́мении свяще́нными велича́емь.

Богоро́дичен: Му́дрость Бо́жия Ипоста́сная из Тебе́, Чи́стая, роди́ся, и злове́рныя мудрецы́ потреби́, и умудри́ мно́жество мона́шествующих и преподо́бных воспева́ти благода́тию: Благослове́нная, Я́же Бо́га пло́тию ро́ждшая.

Пе́снь 8.

Ирмо́с: В пе́щь о́гненную ко отроко́м евре́йским снизше́дшаго и пла́мень в ро́су прело́жшаго Бо́га, по́йте дела́ я́ко Го́спода, и превозноси́те во вся́ ве́ки.

Припев: Преподо́бне о́тче Виссариóне, моли́ Бо́га о на́с.

Све́т тебе́ возсия́ я́ве, я́коже пра́веднику, и ра́дость, и весе́лие, я́ко пла́кавшу, о́тче, на земли́ приле́жно и стра́нну сея́ бы́вшу нестяжа́нием и вся́цем злострада́нием.

Припев: Преподо́бне о́тче Виссариóне, моли́ Бо́га о на́с.

Ве́сь отню́д сраствори́вся коне́чными жела́нии, преподо́бне о́тче, гра́ды же и пусты́ни во умиле́нии мно́зе прохожда́л еси́, до́ндеже митропо́лию дости́гл еси́ вы́шнюю, све́тло украша́емь.

Припев: Преподо́бне о́тче Виссариóне, моли́ Бо́га о на́с.

У́тро возсия́л еси́ на́м све́тлыми доброде́тели просвеще́нии, на́ша мы́сли просвеща́я при́сно. Те́мже твою́ светоно́сную дне́сь, о́тче Виссарио́не, соверша́ем па́мять.

Богоро́дичен: Но́ва родила́ еси́ Сы́на, Собезнача́льна, Чи́стая, Отцу́ Безнача́льному, и обнови́ла еси́ еди́на обетша́вшее на́ше естество́ лю́тыми преступле́нии, те́мже Тя́ согла́сно пое́м, Богоро́дице.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США