Что сие́ есть пра́зднество?/ Что есть ве́лий глас освяще́ннаго собо́ра?/ Что сие́ есть благохва́льное и кра́сное собра́ние?/ Свяще́нницы ра́дуются, лю́дие в весе́лие облека́ются,/ и вся

↑

⇐ ПредыдущаяСтр 3 из 10Следующая ⇒

Что сие́ есть пра́зднество?/ Что есть ве́лий глас освяще́ннаго собо́ра?/ Что сие́ есть благохва́льное и кра́сное собра́ние?/ Свяще́нницы ра́дуются, лю́дие в весе́лие облека́ются,/ и вся Правосла́вная Русь торжеству́ет,/ святи́телю Ермоге́ну предлежа́щу,/ и всех от ра́ки моще́й свои́х благословля́ющу,/ и всех благода́тно утеша́ющу, и та́йно глаго́лющу:/ не бо́йся, ма́лое ста́до,/ не потопи́ти мо́рю жите́йскому корабля́ Иису́сова,/ не поги́бнет Русь Правосла́вная и Бо́гом люби́мая,/ я́ко бла́гоизволи Госпо́дь дати нам си́лу,/ на ќамени бо ве́ры и пра́вды стои́м.

Прииди́те, вси ве́рнии, святи́теля Ермоге́на восхва́лим,/ звезду́, от восто́к со́лнца возсия́вшую/ и за́пад со́лнца Правосла́вием ве́ры озари́вшую,/ и ны́не звезду́ но́ву, на сла́вных Небесе́х в со́нме священному́ченик явле́нную/ в по́мощь Це́ркви и оте́честву проти́ву враго́в на́ших/ и во утвержде́ние ве́ры отце́в на́ших./ Го́споди, моли́твами святи́теля/ мир Твой пода́ждь нам и ве́лию ми́лость.

Сла́ва, глас 8: Что тя нарече́м, святи́телю Ермоге́не?/ А́нгела ли, зане́ я́ко храни́тель Правосла́вныя Ру́си был еси́,/ и́ли апо́стола, я́ко неверныя научи́л еси́,/ му́ченика ли, я́ко за Правосла́вную ве́ру ду́шу свою́ Христа́ ра́ди положи́л еси́./ Его́же моли́ поми́ловати ду́ши на́ша.

И ны́не: Притеце́м ны́не к Ма́тери Го́спода Вы́шняго/ и вку́пе со святи́телем Ермоге́ном воспое́м Засту́пницу Усе́рдную:/ за всех мо́лит бо Сы́на Своего́, Христа́ Бо́га на́шего,/ и всем твори́т спасти́ся, в держа́вный Ея покро́в прибега́ющим.

<далее см. основной Чин>

По полиеле́и седа́лен глас 4:

Прему́драго иера́рха восхва́лим,/ я́ко ко́рмчаго Ру́си Правосла́вныя, к Го́рнему Иерусали́му путево́дствующа,/ и на всяку пра́вду наставля́юща, и от вся́каго зла спаса́юща.

Сла́ва: Прему́драго иера́рха восхва́лим,/ я́ко А́нгела храни́теля Ру́си Правосла́вныя,/ страну́ на́шу в Правосла́вней ве́ре утвержда́юща и Христа́ в ней вообража́юща.

И ны́не: Ублажи́м Честне́йшую Го́рних во́инств:/ Та бо помогла́ есть святи́телю Ермоге́ну упоко́итися в Ве́чных оби́телях,/ Та бо спасе́т и нас, гре́шных.

Познавательные статьи:



Организация работы процедурного кабинета

Статус республик в составе РФ

Понятие финансов, их функции и особенности

Сущность демографической политии