Богослужение Царской Православной Церкви

↑

Стр 1 из 10Следующая ⇒

Богослужение Царской Православной Церкви

25 МАЯ: Святи́теля Ермоге́на, Патриа́рха Моско́вскаго и всея Руси.

Вечером 24 мая

На Го́споди воззва́х:

Сти́х:Изведи́ из темни́цы ду́шу мою́, испове́датися и́мени Твоему́.

Сти́х: Мене́ жду́т пра́ведницы, до́ндеже возда́си мне́.

Сти́х: Из глубины́ воззва́х к Тебе́, Го́споди, Го́споди, услы́ши гла́с мо́й.

Глас 3: Глас Святы́я Це́ркве Правосла́вный/ со умиле́нием любве́ взыва́ет:/ прииди́те, ча́да моя́, и́мижеболезную./ Прииди́те к святи́телю вели́кому,/ прииди́те к священному́ченику преди́вному,/ прииди́те к моли́твеннику за Русь неотсту́пному,/ припади́те и моли́теся из глубины́ души́:/ священному́чениче Ермоге́не, спаса́й и ны́не, ю́же возлюби́л еси́,/ Русь Правосла́вную моли́твами твои́ми.

Сти́х: Да бу́дут у́ши Твои́ вне́млюще гла́су моле́ния моего́.

Глас Святы́я Це́ркве Правосла́вный/ со умиле́нием любве́ взыва́ет:/ прииди́те, ча́да моя́, и́мижеболезную./ Прииди́те к святи́телю вели́кому,/ прииди́те к священному́ченику преди́вному,/ прииди́те к моли́твеннику за Русь неотсту́пному,/ припади́те и моли́теся из глубины́ души́:/ священному́чениче Ермоге́не, спаса́й и ны́не, ю́же возлюби́л еси́,/ Русь Правосла́вную моли́твами твои́ми.

Сти́х: А́ще беззако́ния на́зриши, Го́споди, Го́споди, кто́ постои́т; я́ко у Тебе́ очище́ние е́сть.

Кто сей, коле́на телесе и души́ со умиле́нием преклони́вый?/ Кто сей, на лице́ свое́ падый?/ Кто сей, наде́ждею о́чи на не́бо возводя́й/ и со упова́нием нело́жным ру́це свои́ воздева́ли?/ Кто сей, пла́чай и рыда́яй?/ Ты еси́, священному́чениче Ермоге́не,/ ты еси́, печа́льниче земли́ на́шея,/ преложи́ плач ея на ра́дость.

Сти́х: И́мене ра́ди Твоего́ потерпе́х Тя́, Го́споди, потерпе́ душа́ моя́ в сло́во Твое́, упова́ душа́ моя́ на Го́спода.

Го́споди, аще не бы́хом, свята́го Твоего́ священному́ченика Ермоге́на име́ли моли́твенника/ и благосты́ню Твою́, ми́лующую нас,/ ка́ко сме́ли, Спа́се, стоя́ти пред лице́м Твои́м/ во гресе́х на́ших да́же до сего́ дне?/ Ка́ко сме́ли бы́хом противуста́ти враго́м на́шим,/ и огради́ти ве́ру оте́ц на́ших, и утверди́ти страну́ правосла́вную?/ Но услы́шал еси́ моли́тву святи́теля вели́каго?/ Ермоге́на, священному́ченика преди́внаго,/ и собра́л еси́ под криле его́ Русь Правосла́вную,/ и побего́ша врази́ ея пред лице́м ея./ И ны́не моли́твами святи́теля пощади́ и спаси́ нас, Го́споди.

Сти́х: От стра́жи у́тренния до но́щи, от стра́жи у́тренния, да упова́ет Изра́иль на Го́спода.

Познавательные статьи:



Психологические особенности спортивного соревнования

Приготовление дезинфицирующих растворов различной концентрации

Занятость населения и рынок труда

Социальный статус семьи и её типология