Иди́та по мне, и сотворю́ вы ловца́ челове́ком, –/ услы́шав сей зов христо́в, возлю́бленный валаа́м оста́вил еси́,/ преподо́бне о́тче ге́рмане, во апо́стольстве смире́ннейший,/ при

Тропа́рь глас 7:

Звездо́ пресве́тлая Це́ркве Христо́вы,/ на се́вере просия́вшая,/ вся к Ца́рствию Небе́сному путеводя́щая,/ учи́телю и апо́столе и́стинныя ве́ры,/ предста́телю и засту́пниче гони́мых,/ украше́ние изя́щное Святы́я Це́ркве во Аме́рице,/ преподо́бне о́тче Ге́рмане Аля́скинский,/ моли́ся ко Го́споду, Спа́су на́шему,/ спасти́ся душа́м на́шим.

Ин тропарь, глас 1:

Ло́зу Правосла́вия прине́сл еси́ в Аме́рику из Росси́и благочести́выя/ и, удобри́в ко́рень по́стническими труда́ми/ и напои́в оби́льне моли́твенными слеза́ми,/ плоды́ прине́сл еси́ - виногра́д возлю́бленный,/ Ге́рмане преблаже́нне о́тче наш./ Те́мже и Бог тя просла́ви, я́ко апо́стола преподо́бнаго,/ нетле́нием моще́й и благода́тию чуде́с,/ от них же почерпа́юще благодея́ния, восхваля́ем тя:/ сла́ва Да́вшему ти кре́пость,/ сла́ва Венча́вшему тя,// сла́ва Дарова́вшему тя Аме́рице свети́ло Правосла́вия.

Ин тропа́рь, глас 3:

Преподо́бне о́тче наш Ге́рмане,/ пе́рвый свети́льниче, в земли́ на́шей просия́вый,/ прино́сим вси тебе́ похвалы́ сия́,/ ты же, я́ко име́я дерзнове́ние ко Го́споду,/ бу́ди нам засту́пник и уте́шитель/ и Це́ркве на́шея покрови́тель ди́вный,/ да вси со умиле́нием зове́м ти:/ ра́дуйся, о́тче наш Ге́рмане, Аля́ски и всея́ Аме́рики пресла́вный чудотво́рче.

На хвали́тех стихи́ры:

Сти́х:Сотвори́ти в них суд напи́сан./ Сла́ва сия́ бу́дет всем преподо́бным Его́.

Сти́х: Хвали́те Бо́га во святы́х Его́,/ хвали́те Его́ во утверже́нии си́лы Его́.

Сти́х: Хвали́те Его́ на си́лах Его́,/ хвали́те Его́ по мно́жеству вели́чествия Его́.

Глас 3: Духо́вное испыта́ние восприя́л еси́,/ по́двигом до́брым подвиза́лся еси́,/ тече́ние сконча́в и ве́ру соблю́д,/ да́же до конца́ претерпе́л еси́,/ преподо́бне о́тче Ге́рмане Богоно́сне./ Та́мо вене́ц пра́вды угото́ван есть тебе́,/ и́мже Христо́с венча́ет святы́я Своя́./ Непреста́нно да просла́вим Го́спода/ во святе́м Его́ смотре́нии.

Сти́х: Хвали́те Его́ во гла́се тру́бнем,/ хвали́те Его́ во псалти́ри и гу́слех.

Духо́вное испыта́ние восприя́л еси́,/ по́двигом до́брым подвиза́лся еси́,/ тече́ние сконча́в и ве́ру соблю́д,/ да́же до конца́ претерпе́л еси́,/ преподо́бне о́тче Ге́рмане Богоно́сне./ Та́мо вене́ц пра́вды угото́ван есть тебе́,/ и́мже Христо́с венча́ет святы́я Своя́./ Непреста́нно да просла́вим Го́спода/ во святе́м Его́ смотре́нии.

Сти́х: Хвали́те Его́ в тимпа́не и ли́це,/ хвали́те Его́ во стру́нах и орга́не.

Дарова́ ти Бог дар проро́ческий, проре́кл бо еси́;/ и́нок смире́нный, прия́л еси́ труды́ твоя́ на Ело́вем о́строве./ Ча́да твоя́ духо́вная почита́ют па́мять твою́,/ Це́рковь Христо́ва прославля́ет тя,/ Це́рковию первопросла́вленнаго во Аме́рице./ Те́мже и мы ку́пно с Ге́рманом, ста́рцем Аля́скинским,/ воспои́м и просла́вим Го́спода,/ явля́ющаго нам во́лю Свою́ чрез святы́я Своя́.

Сти́х: Хвали́те Его́ в кимва́лех доброгла́сных, хвали́те Его́ в кимва́лех восклица́ния./ Вся́кое дыха́ние да хва́лит Го́спода.

Пеще́ра, ю́же ископа́л еси́,/ прия́т тя, я́ко ме́сто упокое́ния моще́й твои́х./ Зна́тнии и смире́ннии приидо́ша на о́стров да́льний Ело́вый,/ моля́ще о по́мощи твое́й в годи́ну испыта́ний и бед./ Це́рковь, ны́не обстоя́щи мо́щи твоя́, преподо́бне о́тче Ге́рмане,/ мо́лится о Бо́жием окормле́нии и благослове́нии в час испыта́ний ея́./ Просла́вим вси Го́спода, почива́ющаго во святы́х Свои́х.

Сла́ва, глас 8: Днесь духо́вная ча́да твоя́ мо́лятся тебе́,/ ми́лость у Бо́га обре́тшему:/ проси́ укроти́тися ве́тру безбо́жия и отсту́пничества,/ во всем ми́ре свирепе́ющему,/ да испо́лнит дух ми́ра и любве́ вся сердца́ челове́ческая,/ я́ко да просла́вят и воспою́т Христа́,/ Сы́на Бо́га Жива́го, Спаси́теля ми́ра.

И ны́не, Богоро́дичен: <см. основной Чин>

<далее см. основной Чин>