Июля: ина слу́жба собо́ра святы́х сла́вных и всехва́льных двуна́десяти апо́столов.

↑

⇐ ПредыдущаяСтр 12 из 20Следующая ⇒

13 ИЮЛЯ: Ина слу́жба собо́ра святы́х сла́вных и всехва́льных двуна́десяти апо́столов.

Вечером 12 июля

На Го́споди воззва́х:

Сти́х:Изведи́ из темни́цы ду́шу мою́, испове́датися и́мени Твоему́.

Сти́х: Мене́ жду́т пра́ведницы, до́ндеже возда́си мне́.

Сти́х: Из глубины́ воззва́х к Тебе́, Го́споди, Го́споди, услы́ши гла́с мо́й.

Глас 2: Да восхва́лится днесь двоена́десятица Богоизбра́нная,/ апо́стольская и всечестна́я:/ Петр и Па́вел всехва́льнии,/ Иа́ков и Иоа́нн, сы́ны Гро́мовы,/ Андре́й Первозва́нный, Богому́дрый Фили́пп с Варфоломе́ем,/ Богоглаго́ливый Матфе́й,/ сла́вный Фома́ с Боже́ственным Иу́дою и други́м Иа́ковом/ и Си́мон Зило́т.

Сти́х: Да бу́дут у́ши Твои́ вне́млюще гла́су моле́ния моего́.

Ки́ими похва́льными венцы́/ увязе́м Петра́ и Па́вла,/ разделе́нныя телесы́ и совоку́пленныя ду́хом,/ Богопропове́дников первостоя́тели?/ О́ваго у́бо я́ко апо́столов преднача́льника,/ о́ваго же па́че ине́х труди́вшася./ Сих бо вои́стинну досто́йно/ безсме́ртныя сла́вы венцы́ венча́ет Христо́с Бог наш,/ име́яй ве́лию ми́лость.

Сти́х: А́ще беззако́ния на́зриши, Го́споди, Го́споди, кто́ постои́т; я́ко у Тебе́ очище́ние е́сть.

И́же все́дый со Христо́м на вода́х,/ егда́ основа́ние имя́ше несумне́нно в се́рдцы, блаже́нне,/ но воде́, неиму́щей сле́да,/ пути́ с Ним приобщи́лся еси́./ Егда́ же я́ко челове́к,/ я́же вы́ше челове́ка помы́слив, ужасе́ся/ у́мным преклоне́нием,/ волна́ми бу́рею поползе́ся,/ разуме́в же еди́наго Ко́рмчия, Бо́га и Спа́са,/ про́сиши спасти́ тя,/ Его́же моли́ спасти́ и проевети́ти ду́ши на́ша.

Сти́х: И́мене ра́ди Твоего́ потерпе́х Тя́, Го́споди, потерпе́ душа́ моя́ в сло́во Твое́, упова́ душа́ моя́ на Го́спода.

Прииди́те, прему́дрости глубину́/ и правосла́вных догма́т списа́теля,/ ве́рнии, пе́сньми Боже́ственными днесь венча́ем,/ Иоа́нна сла́внаго и возлю́бленнаго:/ сей бо возгреме́, е́же в нача́ле бе Сло́во./ Отону́дуже громогла́сен показа́ся,/ яко благове́стник ми́рови,/ просия́в многому́дренне всехва́льный.

Сти́х: От стра́жи у́тренния до но́щи, от стра́жи у́тренния, да упова́ет Изра́иль на Го́спода.

Глас 8:Пропове́дника ве́ры и слугу́ Сло́ва,/ Андре́я восхва́лим:/ той бо из глубины́ челове́ки уловля́ет,/ вме́сто тро́сти крест в рука́х держа́,/ и, я́ко у́же ниспуща́я си́лу,/ возво́дит ду́ши от ле́сти вра́жия,/ и прино́сит Бо́гу дар благоприя́тен при́сно./ Того́, ве́рнии, в ли́це учени́к Христо́вых восхва́лим,/ да мо́лится с ни́ми:/ я́ко да ми́лостив нам бу́дет в День Су́дный.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

Познавательные статьи:



Где возникла философия и почему?

Относительная высота сжатой зоны бетона

Сущность проекции Гаусса-Крюгера и использование ее в геодезии

Тарифы на перевозку пассажиров