Lt;далее см. Основной Чин>. Утром 13 июля. Боже́ственныя трубы́ уте́шителя, возглаша́юще дыха́ние слове́с спасе́ния, ми́ру возгласи́те/ и и́же Во мра́це пре́лести спя́щия к све́ту бо

Тропа́рь глас 4:

Апо́столов первопресто́льницы/ и вселе́нныя учи́телие,/ Влады́ку всех моли́те/ мир вселе́нней дарова́ти/ и душа́м на́шим ве́лию ми́лость.

<далее см. основной Чин>

На хвали́тех стихи́ры:

Сти́х:Сотвори́ти в них суд напи́сан./ Сла́ва сия́ бу́дет всем преподо́бным Его́.

Сти́х: Хвали́те Бо́га во святы́х Его́,/ хвали́те Его́ во утверже́нии си́лы Его́.

Сти́х: Хвали́те Его́ на си́лах Его́,/ хвали́те Его́ по мно́жеству вели́чествия Его́.

Глас 4. Верхо́вное основа́ние апо́столов,/ ты вся оста́вив/ и после́довал еси́ Учи́телю, вопия́ Ему́:/ с Тобо́ю умру́, да и живу́ блаже́нную жизнь./ Ри́ма же ты был еси́ пе́рвый епи́скоп,/ превели́каго градо́в сла́ва и похвала́/ и Це́ркве, Пе́тре, утвержде́ние,/ и врата́ а́дова не одоле́ют вои́стинну ея́,/ я́коже Христо́с предрече́./ Его́же молй спасти́ и просвети́ти ду́ши на́ша.

Сти́х: Хвали́те Его́ во гла́се тру́бнем,/ хвали́те Его́ во псалти́ри и гу́слех.

И́же из чре́ва ма́терия отлуче́н,/ ве́щнаго велича́ния тя́жести вся́кия избе́гл еси́,/ впери́вся раче́нием вои́стинну Боже́ственныя, Па́вле, любве́/ к высоте́ Боже́ственней,/ иде́же в пресве́тлый мрак Боже́ственнаго све́та возше́дый,/ я́ко не́кий безпло́тный,/ неизрече́нных глаго́л обогати́вся уче́нии,/ и посла́лся есй су́щим во тьме,/ свет пропове́дуяй Христа́ Бо́га на́шего./ Его́же моли́ спасти́ и просвети́ти ду́ши на́ша.

Сти́х: Хвали́те Его́ в тимпа́не и ли́це,/ хвали́те Его́ во стру́нах и орга́не.