Малая ектения.. Молитва втораго антифона.. Вторый антифон, псалом 145.. Песнь Господу Иисусу Христу.
Содержание книги
- Блаже́н муж: первый антифон. Псалом 1.
- Творение Софрония, патриарха Иерусалимскаго.
- Молитва святаго Симеона Богоприимца.
- И начинают пети: Бог госпо́дь: по гласу тропаря дне.
- Благослове́н еси́, Го́споди, / научи́ мя оправда́нием Твои́м.
- Благослове́н еси́, Го́споди, / научи́ мя оправда́нием Твои́м.
- И глаголет священник утреннее Евангелие.
- Вся́кое дыха́ние, в прилучившийся глас.
- Божественная Литургия иже во святых отца нашего Иоанна Златоустаго.
- Антифоны изобразительные. Первый антифон, псалом 102.
- Малая ектения.. Молитва втораго антифона.. Вторый антифон, псалом 145.. Песнь Господу Иисусу Христу.
- Благодарственныя молитвы по святом причащении
- Божественная Литургия иже во святых отца нашего Василия Великаго, архиепископа кесарии каппадокийския.
- Антифоны изобразительные. Первый антифон, псалом 102.
- Малая ектения.. Молитва втораго антифона.. Вторый антифон, псалом 145.. Песнь Господу Иисусу Христу.
- Божественная Литургия Преждеосвященных.
- Кафисма осмаянадесять. Псалом 119.
- И по возгласе, стихословится: Псалом 124.
- И по возгласе, стихословится: Псалом 129.
- Псалом 130.. Псалом 131.. Псалом 132.. Псалом 133.. Малая ектения.. Молитва третияго антифона.. Господи, воззвах:». Да исправится молитва моя:». Молитва преподобнаго Ефрема.
- Ектения о готовящихся ко Просвещению.
- Молитва по поставлении божественных даров на святей трапезе.
- Молитва главоприклонения. . Киноник. . Причащение во олтаре. . Причащение в храме. . По причащении. . Молитва по святом причащении.
- Молитва заамвонная, возглашаемая от священника.
- Молитва глаголема, внегда потребити Святая.
Малая ектения.
Диакон: Па́ки и па́ки, ми́ром Го́споду помо́лимся.
Лик: Го́споди, поми́луй.
Заступи́, спаси́, поми́луй и сохрани́ нас, Бо́же, Твое́ю благода́тию.
Лик: Го́споди, поми́луй.
Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Лик: Тебе́, Го́споди.
Молитва втораго антифона.
Иерей: Го́споди Бо́же наш, спаси́ лю́ди Твоя́ и благослови́ достоя́ние Твое́, исполне́ние Це́ркве Твоея́ сохрани́, освяти́ лю́бящия благоле́пие до́му Твоего́. Ты те́х воспросла́ви Боже́ственною Твое́ю си́лою и не оста́ви нас, упова́ющих на Тя.
Возглашение: Я́ко Твоя́ держа́ва и Твое́ есть Ца́рство и си́ла, и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.
Лик: Ами́нь.
Вторый антифон, псалом 145.
1. Хвали́, душе́ моя́, Го́спода. / Восхвалю́ Го́спода в животе́ мое́м, / пою́ Бо́гу моему́, до́ндеже есмь.
2. Не наде́йтеся на кня́зи, на сы́ны челове́ческия, / в ни́хже несть спасе́ния.
1. Изы́дет дух его́, / и возврати́тся в зе́млю свою́: / в той день поги́бнут вся помышле́ния его́.
2. Блаже́н, ему́же Бог Иа́ковль помо́щник его́, / упова́ние его́ на Го́спода Бо́га своего́.
1. Сотво́ршаго не́бо и зе́млю, / мо́ре и вся, я́же в них.
2. Храня́щаго и́стину в век, / творя́щаго суд оби́димым, / даю́щаго пи́щу а́лчущим.
1. Госпо́дь реши́т окова́нныя, / Госпо́дь умудря́ет слепцы́.
2. Госпо́дь возво́дит низве́рженныя, / Госпо́дь лю́бит пра́ведники.
1. Госпо́дь храни́т прише́льцы, / си́ра и вдову́ прии́мет, / и путь гре́шных погуби́т.
2. Воцари́тся Госпо́дь во век, / Бог твой, Сио́не, в род и род.
1. Сла́ва Отцу́ и Сы́ну и Свято́му Ду́ху.
2. И ны́не и при́сно и во ве́ки веко́в. Ами́нь.
Лик: Единоро́дный Сы́не и Сло́ве Бо́жий, Безсме́ртен Сый / и изво́ливый спасе́ния на́шего ра́ди / воплоти́тися от Святы́я Богоро́дицы и Присноде́вы Мари́и, / непрело́жно вочелове́чивыйся, / распны́йся же, Христе́ Бо́же, сме́ртию смерть попра́вый, / Еди́н Сый Святы́я Тро́ицы, / спрославля́емый Отцу́ и Свято́му Ду́ху, спаси́ нас.
|
