Стена́ необори́мая нам, христиа́ном, еси́, богоро́дице де́во:/ к тебе́ бо прибега́юще, невреди́мы пребыва́ем/ и, па́ки согреша́юще, и́мамы тя моли́твенницу, умиле́ние;/ тем, благод

↑

▷ Содержание

⇐ ПредыдущаяСтр 3 из 8Следующая ⇒

Стена́ необори́мая нам, христиа́ном, еси́, Богоро́дице Де́во:/ к Тебе́ бо прибега́юще, невреди́мы пребыва́ем/ и, па́ки согреша́юще, и́мамы Тя Моли́твенницу, Умиле́ние;/ тем, благодаря́ще, вопие́м Ти:/ ра́дуйся, всех ра́достей Ра́досте.

Сла́ва, и ны́не, то́йже.

<далее см. основной Чин>

Степе́нна, 1-й антифо́н 4-го гла́са.

Проки́менглас 4:Помяну́ и́мя Твое́/ во вся́ком ро́де и ро́де.Стих:Отры́гну се́рдце мое́ сло́во бла́го, глаго́лю аз дела́ моя́ Царе́ви.

<далее см. основной Чин>

По 50-м псалме́ стихи́ра глас 6:

Не вве́ри мя челове́ческому предста́тельству,/ Пресвята́я Влады́чице,/ но приими́ моле́ние раба́ Твоего́,/ скорбь бо обдержи́т мя,/ терпе́ти не могу́ де́монскаго стреля́ния,/ покро́ва не и́мам,/ ниже́ где прибе́гну, окая́нный,/ всегда́ побежда́емь,/ и утеше́ния не и́мам, ра́зве Тебе́, Влады́чице ми́ра,/ упова́ние и предста́тельство ве́рных,/ не пре́зри моле́ние мое́,/ поле́зно сотвори́.

<далее см. основной Чин>

Кано́н глас 4.

Песнь 1

Ирмо́с: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,/ и воспою́, ра́дуяся, Тоя́ чудеса́.

Умили́ся, уми́лостивися, умилосе́рдися, Влады́чице,/ на мя, гре́шнаго и недосто́йнаго раба́ Твоего́,/ дерза́ющаго воспе́ти Твоя́ чудеса́.

Ма́ти Бо́жия Пречи́стая,/ не отри́ни мене́, окая́ннаго и нечи́стаго,/ дерза́ющаго пе́ти Твоя́ чудеса́, Умиле́ние.

Ина́го прибе́жища и те́плаго предста́тельства/ к Сы́ну Твоему́ и Бо́гу на́шему не и́мам, Всепе́тая,/ те́мже сподо́би мя, многогре́шнаго, восхвали́ти Твоя́ чудеса́.

Ле́ностию одержи́мь и страстьми́ обурева́емь есмь аз,/ неключи́мый раб Твой, Влады́чице,/ недоуме́ю по достоя́нию восхвали́ти и просла́вити Твоя́ чудеса́.

Песнь 3

Ирмо́с: Твоя́ песносло́вцы, Богоро́дице,/ живы́й и незави́стиый Исто́чниче,/ лик себе́ совоку́пльшия, духо́вно утверди́,/ в Боже́ственней Твое́й сла́ве/ венце́в сла́вы сподо́би.

Познавательные статьи:



Где возникла философия и почему?

Относительная высота сжатой зоны бетона

Сущность проекции Гаусса-Крюгера и использование ее в геодезии

Тарифы на перевозку пассажиров