Богослужение Царской Православной Церкви

↑

▷ Содержание

Стр 1 из 8Следующая ⇒

Богослужение Царской Православной Церкви

1 АВГУСТА: Слу́жба Пресвяте́й Богоро́дице, ра́ди ико́ны Ея́, имену́емыя «Умиле́ние» или́ «Ра́дость всех ра́достей».

Вечером 31 июля

На Го́споди воззва́х:

Сти́х:Изведи́ из темни́цы ду́шу мою́, испове́датися и́мени Твоему́.

Сти́х: Мене́ жду́т пра́ведницы, до́ндеже возда́си мне́.

Сти́х: Из глубины́ воззва́х к Тебе́, Го́споди, Го́споди, услы́ши гла́с мо́й.

Глас 5: Ра́дуйся, Богома́ти Пречи́стая;/ ра́дуйся, ве́рных наде́ждо;/ ра́дуйся, оби́тель на́шу избавля́ющая вся́ких скорбе́й;/ ра́дуйся, покрыва́ющая рабы́ Твоя́;/ ра́дуйся, Неве́сто Неневе́стная,/ ра́дуйся, всех ра́достей Ра́досте.

Сти́х: Да бу́дут у́ши Твои́ вне́млюще гла́су моле́ния моего́.

Всем се́рдцем прославля́ем и почита́ем/ и́мя Твое́ и ме́сто оби́тели Твоея́/ и святу́ю ико́ну Твою́,/ ра́достно пое́м Тебе́:/ ра́дуйся, Неве́сто Неневе́стная,/ не оста́ви нас, си́рых и беззащи́тных,/ во обстоя́ниих лю́тых,/ изба́ви нас ве́чнаго муче́ния/ и сподо́би Ца́рствия Сы́на Твоего́ и Бо́га на́шего,/ всех ра́достей Ра́досте.

Сти́х: А́ще беззако́ния на́зриши, Го́споди, Го́споди, кто́ постои́т; я́ко у Тебе́ очище́ние е́сть.

Ты А́нгелов ра́дость, Влады́чице Всепе́тая,/ Ты еси́ Предста́тельница на́ша,/ к Тебе́ прибега́ем во вся́кой ну́жди и ско́рби,/ покры́й оби́тель Твою́ и спаси́ рабы́ Твоя́, пою́щия Ти:/ ра́дуйся, всех ра́достей Ра́досте.

Сти́х: И́мене ра́ди Твоего́ потерпе́х Тя́, Го́споди, потерпе́ душа́ моя́ в сло́во Твое́, упова́ душа́ моя́ на Го́спода.

Вси чи́стою со́вестию Богоро́дице припаде́м,/ вопию́ще Ей непреста́нно:/ ра́дуйся, всех ра́достей Ра́досте,/ ра́дуйся, Засту́пнице де́вствующих,/ спаси́ оби́тель, Тебе́ посвяще́нную,/ покры́й от бед и ну́жды вся́кия,/ Тебе́ бо вси стяжа́хом Ма́терь/ и утвержде́ние и о́браз де́вства,/ под кро́вом Твои́м сохраня́еми,/ ра́достно зову́ще Ти:/ ра́дуйся, Де́во,/ ра́дуйся, всех ра́достей Ра́досте.

Сти́х: От стра́жи у́тренния до но́щи, от стра́жи у́тренния, да упова́ет Изра́иль на Го́спода.

Ра́дуйся, Непосты́дная Предста́тельнице;/ ра́дуйся, Преблага́я Богоро́дице;/ ра́дуйся, Засту́пнице обурева́емым;/ ра́дуйся, Я́же всем помога́ющая, су́щим в ну́ждах,/ Ты у́бо сохрани́ и мене́, Де́во,/ всех ра́достей Ра́досте.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

Глас 2:Вельми́ добро́тою украси́ Тя Бог,/ я́ко челове́ком Свет даде́ на руку́ Твое́ю,/ Ты же, в сия́нии Его́ су́щи,/ упова́ние христиа́ном,/ Помо́щница им в ну́ждах и ско́рбех,/ всех ра́достей Ра́досте и приста́нище тружда́ющимся,/ моли́ изба́витися оби́тели от напа́стей,/ любо́вию пою́щим Тя/ и моля́щимся всечестно́му о́бразу Твоему́, Умиле́ние.

Сти́х: Хвали́те Го́спода вси́ язы́цы, похвали́те Его́ вси́ лю́дие.

Познавательные статьи:



Техника прыжка в длину с разбега

Организация работы процедурного кабинета

Области применения синхронных машин

Оптимизация по Винеру и Калману