арағанды конфеттерінің болашағы

↑

▷ Содержание

⇐ ПредыдущаяСтр 3 из 3

Қарағанды конфеттерінің болашағы

     Биыл Қарағандыда жалпы құны 3,8 млрд. теңгені құрайтын 43 шақырым көлік жолы жөнделеді. Бұл жөнінде облыстың жолаушылар көлігі және автомобиль жолдары басқармасының басшысы Абайділдә САНАУБАРОВ мәлім етті.

  Осы жылы 27 нысанды жөндеу жоспарланып отыр. Мұның ішіне құны 100 млн. теңге тұратын Приканальная көшесінің құрылысы және сомасы 779,7 млн. теңгені құрайтын Гоголь көшесінің күрделі жөндеу жұмысы енгізілді. Сонымен қатар, құны 2 млрд. 923 млн. теңге көлемінде 25 көшеге орташа жөндеу жұмыстары жүргізіледі.

  Жөндеу жұмыстарының басым бөлігі Октябрь ауданында атқарылады. Атап айтқанда, Майқұдық, Пришахтинск және Сұрыптау станциясының 21 нысанында жөндеу жұмыстары орындалады. Көпшілікті алаңдатқан Гоголь көшесін жөндеу мәселесі шешімін табады. Мұнда тротуарларды ауыстыру, жол қозғалысын реттеу құралдарын ретке келтіріп, толық жөндеу жұмыстарын атқару жоспарланған. Сондай-ақ, «Қарағанды конфеттері» ЖШС фабрикасы маңындағы теміржол өтпесінің мәселесін шешуге, жолдарды кеңейтуге уәде берді.

«Қарағанды кәмпиттері» кешегі көрінісі

70 жылдан астам тарихы бар «Қарағанды кәмпиттері» кондитерлік фабрикасының өнімдері Қазақстанға ғана емес, шетелде де танымал болғандығы рас. Қарағанды десе көмірден кейін екінші еске түсетіні осы «Қарағанды кәмпиттері». Бірақ соңғы уақыттары еліміз түгілі Қарағандының өзіндегі дүкендерден осы фабриканың бірде-бір өнімін таба алмайтын болдық. «Қарағанды кәмпиттері» кондитерлік фабрикасы қайта жаңғыртуға байланысты жұмысын тоқтатқан. Алайда танымал фабриканың нақты қай уақытта қайтадан өнім шығаратындығы белгісіз, деп хабарлайды Baq.kz-тің Қарағандыдағы тілшісі.

Әр аймақтың, қаланың өзіндік «бренді» болатыны рас. Алматылықтардан  апортты, Қызылордадан күріш, Шымкенттен қауын мен қарбызды, Атыраудан келген қонақтардан балық күтсек, Қарағандылықтар барған жеріне, әрине көмір емес, қарағандылық конфеттерді ала баратын. Осылайша, Қарағандының өзіндік «брендіне» айналған конфеттерді қазір күндіз шаммен іздеп таппайсыз.
    Мәселенің мән-жайын анықтамақшы болып Қарағандының біраз супермаркеттерін аралап шықтық. Қала бойынша бөлімшелері ең көп супермаркеттер «Южный» мен «Аянның» сөрелерінде украиндық, ресейлік конфеттермен бірге еліміздің «Баян Сұлу», «Рахат» кондитерлік фабрикаларының тәттілері самсап тұр. Тек қана дәмі әлі де болса таңдайдан кетпейтін «Қызыл телпек», «Солтүстіктегі аю» сияқты «Қарағанды конфеттерінің» өнімдері көзге түспеді. Дүкен қызметкерлері мен әкімшілігі де бірауыздан «Қарағанды кәмпиттерінің» көптен бері сатылымда жоқтығын айтады.
     «Біздің супермаркетердің ешқайсысында «Қарағанды конфеттері» сатылмайды. Осыдан шамамен 2-3 ай бұрын аталған фабриканың өнімдері сатылымнан алынып тасталған. Тіпті қазір фабрикамен супермаркет арасында келісімшарт та жоқ», - деді «Аян» супермаркеті әкімшілігінің қызметкері Людмила.
    «Қарағанды кәмпиттерін» іздеп кондитерлік фабриканың бас кеңсесінің жанында орналасқан дүкенге соқтық. Есігі тарс жабық дүкеннің алдына «2016 жылдың 4 қазанынан бастап фабрика қайта жаңартудан өтуге байланысты жабылады» деген қағаз ілініп тұр екен.

Жалпы, Қарағанды дүкендері мен супермаркет сөрелерінен аталған фабрика өнімдері осы жылдың жаз айларынан бастап көрінбей кетті. Ел аузындағы болжам да сан түрлі. Бірі «Қарағанды кәмпиттері» фабрикасы қайта жөндеуден өтеді екен десе, бірі фабрика «банкрот» болыпты мыс деген ақпаратты таратады. Осыған байланысты кондитерлік фабрикаға хабарласқанымызда халықтың бірінші болжамы расталды.
  «Модернизациялау жобасы әлі құрылып жатыр. Сондықтанда жаңарту жұмыстарының қашан аяқталатынын айта алмаймын. Сәйкесінше, фабриканың қайтадан іске қосылатын уақыты да белгісіз», - деді кондитерлік фабриканың маркетинг бойынша директоры Светлана Напрасная.
Осылайша, қарағандылықтардың, жалпы «Қарағанды кәмпиттерін» сүйіп жейтіндердің енді қашан бұл тәттілердің дәмін тата алатындығы белгісіз.

Познавательные статьи:



Формы дистанционного обучения

Передача мяча двумя руками снизу

Значение правильной осанки для жизнедеятельности человека

Основные ошибки при выполнении передач мяча на месте