Сла́ва, Го́споди, свято́му Воскресе́нию Твоему́.

↑

Стр 1 из 2Следующая ⇒

Кано́н воскре́сный, глас 1:

       Сла́ва, Го́споди, свято́му Воскресе́нию Твоему́.

Кано́н Крестовоскре́сный, глас 1:

       Сла́ва, Го́споди, Кресту́ Твоему́ Честно́му и Воскресе́нию.

Кано́н Богоро́дицы, глас 1:

       Пресвята́я Богоро́дице, спаси́ нас.

Кано́н Трио́ди, глас 6:

       Поми́луй мя, Бо́же, поми́луй мя.

       Сла́ва Отцу́ и Сы́ну и Свято́му Ду́ху.

       И ны́не и при́сно и во ве́ки веко́в. Ами́нь.

по 3-й песне:

Седа́лен из Трио́ди, глас 4, подо́бен: «Ско́ро предвари́…»:

                   Смире́ние вознесе́ одержи́маго злы́ми, мытаря́ возстена́вша,/ и е́же очи́сти, к Зижди́телю воззва́вша:/ возноше́ние же низложи́ от пра́вды/ окая́ннаго фарисе́я велере́чующа./ Те́мже поревну́им до́брым, злых отступа́юще.

                   Сла́ва Отцу́, и Сы́ну, и Свято́му Ду́ху.

Друго́й седа́лен из Трио́ди, глас 4:

                   Смире́ние дре́вле вознесе́ мытаря́,/ пла́чем возопи́вша: очи́сти, и оправди́ся./ Того́ подража́им вси, во глубину́ зол впа́дшии,/ возопии́м Спа́су из глубины́ се́рдца:// согреши́хом, очи́сти еди́не Человеколю́бче.

              И ны́не и при́сно и во ве́ки веко́в, ами́нь.

Богоро́дичен из Трио́ди, глас 4:

                   Ско́ро приими́ Влады́чице, моле́ния на́ша,/ и сия́ принеси́ Твоему́ Сы́ну и Бо́гу, Госпоже́ Всенепоро́чная:/ разреши́ обстоя́ния к Тебе́ притека́ющих,/ сокруши́ ко́зни, и низложи́ де́рзость вооружа́ющихся безбо́жно// на рабы́ Твоя́, Пречи́стая.

по 6-й песне:

Конда́к из Трио́ди, глас 3:

                   Воздыха́ния принесе́м мыта́рская Го́сподеви,/ и к Нему́ присту́пим гре́шнии я́ко Влады́це:/ хо́щет бо спасе́ния всех челове́ков,/ оставле́ние подае́т всем ка́ющимся./ Нас бо ра́ди воплоти́ся,// Бог сый Отцу́ собезнача́льный.

И́кос:

              Са́ми себе́ бра́тие вси смири́м воздыха́ньми,/ рыда́ньми побие́м со́весть:/ да в суде́ тогда́ ве́чном та́мо яви́мся ве́рнии,/ непови́нни, получи́вше оставле́ние./ Та́мо бо есть вои́стинну ослабле́ние,/ е́же ви́дети нам ны́не умо́лим:/ та́мо боле́знь отбеже́, печа́ль и из глубины́ воздыха́ния,/ во Еде́ме ди́внем, его́же Христо́с Зижди́тель,// Бог сый Отцу́ собезнача́льный.

по 9-й песне:

Ексапостила́рий воскре́сный пе́рвый:

                  Со ученики́ взы́дем на го́ру Галиле́йскую,/ ве́рою Христа́ ви́дети/ глаго́люща власть прия́ти вы́шних и ни́жних, научи́мся:/ ка́ко учи́т креща́ти во и́мя Отца́, и Сы́на, и Свята́го Ду́ха, язы́ки вся,// и пребыва́ти с таи́нники, я́коже обеща́ся, до сконча́ния ве́ка.

Познавательные статьи:



Организация работы процедурного кабинета

Статус республик в составе РФ

Понятие финансов, их функции и особенности

Сущность демографической политии