Сла́ва Отцу́ и Сы́ну и Свято́му Ду́ху.

Хвали́тны псалмы́, глас 8:

Чтец: Глас 8, Вся́кое дыха́ние да хва́лит Го́спода, стихиры воскресные:

Хор: Вся́кое дыха́ние да хва́лит Го́спода./ Хвали́те Го́спода с небе́с,/ хвали́те Его́ в вы́шних.// Тебе́ подоба́ет песнь Бо́гу.

       Хвали́те Его́ вси а́нгели Его́,/ хвали́те Его́ вся си́лы Его́.// Тебе́ подоба́ет песнь Бо́гу.

На 8. Стих:        Сотвори́ти в них суд напи́сан:/ сла́ва сия́ бу́дет всем преподо́бным Его́.

Стихира:        Го́споди, а́ще и суди́лищу предста́л еси́ от Пила́та суди́мый,/ но не отступи́л еси́ от престо́ла со Отце́м седя́:/ и воскре́с из ме́ртвых,/ мир свободи́л еси́ от рабо́ты чужда́го,// я́ко Щедр и Человеколю́бец.

Стих: Хвали́те Бо́га во святы́х Его́,/ хвали́те Его́ в утверже́нии си́лы Его́.

Стихира:        Го́споди, а́ще и я́ко ме́ртва/ во гро́бе иуде́и положи́ша,/ но я́ко Царя́ спя́ща во́ини Тя стрежа́ху,/ и я́ко живота́ сокро́вище, печа́тию печа́таша,/ но воскре́сл еси́,// и по́дал еси́ нетле́ние душа́м на́шым.

На 6. Стих:               Хвали́те Его́ на си́лах Его́,/ хвали́те Его́ по мно́жеству вели́чествия Его́.

Стихира:        А́нгел Твой, Го́споди,/ Воскресе́ние пропове́давый,/ стра́жи у́бо устраши́,/ жена́м же возгласи́, глаго́ля:/ что и́щете Жива́го с ме́ртвыми;/ воскре́се Бог сый,// и вселе́нней жизнь дарова́.

           Глас 1, Стихи́ры Апостола Марка: