На 6. Стих: А́ще беззако́ния на́зриши, Го́споди, Го́споди, кто постои́т?// Я́ко у Тебе́ очище́ние е́сть.

↑

⇐ ПредыдущаяСтр 3 из 37Следующая ⇒

На 6. Стих: А́ще беззако́ния на́зриши, Го́споди, Го́споди, кто постои́т?// Я́ко у Тебе́ очище́ние е́сть.

Стихи́ра:        Вече́рнюю пе́снь,/ и слове́сную слу́жбу,/ Тебе́ Христе́ прино́сим:/ я́ко благоволи́л еси́// поми́ловати на́с Воскресе́нием.

Стих: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́,// упова́ душа́ моя́ на Го́спода.

Стихи́ра:     Го́споди, Го́споди,/ не отве́ржи на́с от Твоего́ лица́:// но благоволи́ поми́ловати на́с Воскресе́нием.

На 4. Стих: От стра́жи у́тренния до но́щи, от стра́жи у́тренния,// да уповае́т Изра́иль на Го́спода.

Стихи́ра:     Ра́дуйся, Сио́не святы́й,/ ма́ти Церкве́й, Бо́жие жили́ще,/ ты́ бо прия́л еси́ пе́рвый,// оставле́ние грехо́в, Воскресе́нием.

           Глас 1, Стихи́ры Апостола Марка:

Стих: Я́ко у Го́спода ми́лость, и мно́гое у Него́ избавле́ние,// и Той изба́вит Изра́иля от всех беззако́ний eго́.

Стихи́ра:        Богогла́сных слове́с написа́теля, ве́рнии,/ и Еги́пта вели́каго наста́вника,/ досто́йно воспое́м, вопию́ще:/ Ма́рко му́дре, уче́нии и моли́твами твои́ми/ к невла́емому житию́ наставля́ти всех нас/ не преста́й, Христо́в учениче́.

На 2. Стих: Хвали́те Го́спода вси язы́цы,// похвали́те Его́ вси лю́дие.

Стихи́ра:        Спутеше́ственник был еси́ сосу́да избра́ннаго/ и с ним проше́л еси́ всю Македо́нию;/ в Ри́ме же учени́к быв Петру́,/ сла́док сказа́тель показа́лся еси́/ и почи́л еси́, пострада́в боголе́пно, во Еги́пте,// Ма́рко, дру́же Христо́в.

Стих: Я́ко утверди́ся ми́лость Его́ на нас,// и и́стина Госпо́дня пребыва́ет во век.

Стихи́ра:        Изсо́хшия и олядене́вшия ду́ши оживи́л еси́/ све́тлыми кропле́нии Ева́нгелия./ Те́мже твою́, Боже́ственный Ма́рко,/ све́тло с на́ми Александри́я днесь/ торжеству́ет па́мять и восхваля́ет,// покланя́ющися твои́м моще́м.

       Слава, глас 6,Стихи́ра Апостола Марка:

           Сла́ва Отцу́ и Сы́ну и Свято́му Ду́ху.

       Излия́ся благо́дать во устна́х твои́х,/ Ма́рко апо́столе,/ и был еси́ па́стырь Христо́вы Це́ркве,/ уча́ слове́сныя о́вцы/ ве́ровати в Тро́ицу Единосу́щную,// во Еди́ном Божестве́.

           И ныне, глас 8, Триоди:

Познавательные статьи:



Где возникла философия и почему?

Относительная высота сжатой зоны бетона

Сущность проекции Гаусса-Крюгера и использование ее в геодезии

Тарифы на перевозку пассажиров