Стих: Да́ша в снедь Мою́ желчь, и в жа́жду Мою́ напои́шаМя о́цта.

↑

⇐ ПредыдущаяСтр 49 из 78Следующая ⇒

Стих: Да́ша в снедь Мою́ желчь, и в жа́жду Мою́ напои́шаМя о́цта.

Законополо́жницы Изра́илевы, иуде́е и фарисе́е, / лик апо́стольский вопие́т к вам: / се Храм, Его́же вы разори́сте; / се А́гнец, Его́же вы распя́сте, гро́бу преда́сте, / но вла́стию Свое́ю воскре́се. / Не льсти́теся, иуде́е: / Той бо есть, И́же в мо́ри спасы́й, / и в пусты́ни пита́вый. / Той есть Живо́т, и Свет, и Мир ми́рови.

Стих: Спаси́ мя, Бо́же, я́ко внидо́ша во́ды до души́ моея́.

Законополо́жницы Изра́илевы, иуде́е и фарисе́е, / лик апо́стольский вопие́т к вам: / се Храм, Его́же вы разори́сте; / се А́гнец, Его́же вы распя́сте, гро́бу преда́сте, / но вла́стию Свое́ю воскре́се. / Не льсти́теся, иуде́е: / Той бо есть, И́же в мо́ри спасы́й, / и в пусты́ни пита́вый. / Той есть Живо́т, и Свет, и Мир ми́рови.

Сла́ва Отцу́ и Сы́ну и Свято́му Ду́ху.

Глас 5: Прииди́те, христоно́снии лю́дие, / ви́дим, что совеща́ Иу́да преда́тель, / со свяще́нники беззако́нными на Спа́са на́шего. / Днесь пови́нна сме́рти, Безсме́ртнаго Сло́ва сотвори́ша, / и Пила́ту преда́вше, на ме́сте ло́бнем распя́ша. / И сия́ стражда́ вопия́ше Спас наш, глаго́ля: / оста́ви им, О́тче, грех сей, / да разуме́ют язы́цы из ме́ртвых Мое́ Воскресе́ние.

И ны́не и при́сно и во ве́ки веко́в. Ами́нь.

Прииди́те, христоно́снии лю́дие, / ви́дим, что совеща́ Иу́да преда́тель, / со свяще́нники беззако́нными на Спа́са на́шего. / Днесь пови́нна сме́рти, Безсме́ртнаго Сло́ва сотвори́ша, / и Пила́ту преда́вше, на ме́сте ло́бнем распя́ша. / И сия́ стражда́ вопия́ше Спас наш, глаго́ля: / оста́ви им, О́тче, грех сей, / да разуме́ют язы́цы из ме́ртвых Мое́ Воскресе́ние.

И кадит диакон Евангелие, иконы и настоятеля, и лики токмо.

Диакон: Прему́дрость. Во́нмем.

Чтец: Проки́мен, гла́с четве́ртый:

Го́споди Госпо́дь наш, я́ко чу́дно и́мя Твое́ по все́й земли́.

Лик: Го́споди Госпо́дь наш, я́ко чу́дно и́мя Твое́ по все́й земли́.

Чтец, стих: Я́ко взя́тся великоле́пие Твое́ превы́ше небе́с.

Лик: Го́споди Госпо́дь наш, я́ко чу́дно и́мя Твое́ по все́й земли́.

Чтец: Го́споди Госпо́дь наш.

Лик: Я́ко чу́дно мя Твое́ по все́й земли́.

Диакон: Прему́дрость.

Познавательные статьи:



Техника прыжка в длину с разбега

Тактические действия в защите

История Олимпийских игр

История развития права интеллектуальной собственности