Мир презре́вши и себе́ отве́ргшися,/ христу́ му́жественно после́довала еси́, преподо́бная евфроси́ние,/ ны́не же по труде́х в небе́сных оби́телех упокоева́ешися сла́достно,/ иде

↑

⇐ ПредыдущаяСтр 13 из 13

Мир презре́вши и себе́ отве́ргшися,/ Христу́ му́жественно после́довала еси́, преподо́бная Евфроси́ние,/ ны́не же по труде́х в Небе́сных оби́телех упокоева́ешися сла́достно,/ иде́же и нам всели́тиея моли́твами твои́ми сотвори́.

Слава:Испо́лнися вся страна́ Су́ждальская благоуха́ния в преставле́нии твое́м, преблаже́нная Евфроси́ние,/ но и са́мая чудеса́ свиде́тельствуют, егда́ пра́зднуется всесвята́я па́мять твоя́:/ хромы́м и разсла́бленным исправле́ние, слепы́м прозре́ние./ Те́мже и нам проси́ грехо́в оставле́ние.

Сла́ва, и ны́не, Богоро́дичен: <далее см. основной Чин>

Тропа́рь глас 8:

В тебе́, ма́ти, изве́стно спасе́ся е́же по о́бразу,/ прии́мши бо крест, после́довала еси́ Христу́/ и, де́ющи, учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней./ Те́мже и со А́нгелы сра́дуется, преподо́бная Евфроси́ние, дух твой.

Ин тропа́рь, глас 4:

Свята́я твоя́ па́мять/ Су́ждальскую страну́ весели́т,/ ве́рныя же вся созыва́ет во всечестны́й храм твой,/ иде́же ны́не соверша́ется всесла́вная па́мять твоя́,/ Евфроси́ние преподо́бная,/ моли́ Христа́ Бо́га,// спасти́ся душа́м на́шим.

<далее см. основной Чин>

На хвали́тех стихи́ры:

Сти́х:Сотвори́ти в них суд напи́сан./ Сла́ва сия́ бу́дет всем преподо́бным Его́.

Сти́х: Хвали́те Бо́га во святы́х Его́,/ хвали́те Его́ во утверже́нии си́лы Его́.

Сти́х: Хвали́те Его́ на си́лах Его́,/ хвали́те Его́ по мно́жеству вели́чествия Его́.

Глас 1: Прииди́те, ве́рнии, с ве́рою к преподо́бней,/ хвале́бныя ей пе́сни вознесе́м, веселя́щеся,/ да моли́твами ея́ от страсте́й и бед// избавле́ние прии́мем.

Сти́х: Хвали́те Его́ во гла́се тру́бнем,/ хвали́те Его́ во псалти́ри и гу́слех.

Прииди́те, ве́рнии, с ве́рою к преподо́бней,/ хвале́бныя ей пе́сни вознесе́м, веселя́щеся,/ да моли́твами ея́ от страсте́й и бед// избавле́ние прии́мем.

Сти́х: Хвали́те Его́ в тимпа́не и ли́це,/ хвали́те Его́ во стру́нах и орга́не.

Поще́ния труд восприи́мши/ и непреста́нныя моли́твы свети́льник возже́гши в се́рдце свое́м,/ в све́тлыя оби́тели ра́йския всели́лася еси́, блаже́нная,/ в ни́хже и нам доспе́ти/ сподо́би хода́тайством твои́м.

Сти́х: Хвали́те Его́ в кимва́лех доброгла́сных, хвали́те Его́ в кимва́лех восклица́ния./ Вся́кое дыха́ние да хва́лит Го́спода.

Те́сным путе́м ше́ствовавши,/ широты́ ра́йския дости́гла еси́,/ Евфроси́ние досточу́дная,/ иде́же ны́не дре́ва живо́тнаго причаща́ющися,/ моли́ Человеколю́бца Бо́га/ десна́го сподо́битися стоя́ния и нам/ в день Стра́шнаго Суди́ща Христо́ва.

Сла́ва, глас 8: Измла́да себе́ Христу́ Бо́гу преда́вши,/ преподо́бием и пра́вдою украси́лася еси́, преподо́бная,/ и, в ме́ру во́зраста исполне́ния его́ дости́гши,/ вене́ц сла́вы от руки́ Вседержи́теля прия́ла еси́,// Ему́же моли́ся спасти́ся душа́м на́шим.

И ны́не, Богоро́дичен: <см. основной Чин>

Конда́к глас 2:

Де́вства чи́стый сосу́д/ еле́ем моли́твы и любве́ испо́лнивши,/ неугаси́мый свети́льник в се́рдце свое́м возжгла́ еси́, преподо́бная,/ с ни́мже бо́дренно в сре́тение Небе́снаго Жениха́ изше́дши,/ в черто́г Того́ пресве́тлый прия́та была́ еси́,/ иде́же ны́не водворя́ющися с ли́ки А́нгелов и святы́х,/ моли́ся, мо́лимся, Христу́ Бо́гу,// ча́сти дев юро́дивых изба́витися нам.

Ин конда́к, глас 6:

Женише́ мой Сладча́йший,/ Христу́ взыва́ше прекра́сная Евфроси́ния,/ и́бо сла́дость любве́ Твоея́ ду́шу ми наде́ждею впери́/ и красота́ ми́лости Твоея́ се́рдце ми услади́,/ сопотруди́тися страда́нии по Тебе́,/ иму́щи на Тя наде́жду,/ да досто́йну мя сотвори́ши черто́га с му́дрыми де́вами/ и ликовствова́ти у тебе́ причти́мся./ Те́мже, преподо́бная,/ почита́юще по́двиг трудо́в твои́х, мо́лим тя:// моли́ не зазри́тися15 и нам черто́гу две́ри.

Ин конда́к, глас 8:

Де́вства чистото́ю возжегла́ еси́ свещу́ своего́ ра́зума/ и просвети́ла еси́ душе́вную чистоту́,/ поще́нием же и бде́нием плоть порабо́тила еси́ ду́ху,/ те́мже, преподо́бная Евфроси́ние,/ почита́юще по́двиги трудо́в твои́х, мо́лимся:// моли́ Христа́ Бо́га спасти́ся душа́м на́шим.

<далее см. основной Чин>

⇐ Предыдущая 4 5 6 7 8 9 10 11 1213

Познавательные статьи:

Коммуникативные барьеры и пути их преодоления

Рынок недвижимости. Сущность недвижимости

Решение задач с использованием генеалогического метода

История происхождения и развития детской игры

Последнее изменение этой страницы: 2024-06-27; просмотров: 47; Нарушение авторского права страницы; Мы поможем в написании вашей работы!

infopedia.su Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав. Обратная связь - 216.73.217.128 (0.007 с.)