Мы поможем в написании ваших работ!
ЗНАЕТЕ ЛИ ВЫ?
|
Кано́н умиле́ния ко Го́споду на́шему Иису́су Христу́ и святы́м му́чеником, глас 2
Содержание книги
- В понеде́льник ве́чера
- Сти́х: я́ко утверди́ся ми́лость Его́ на на́с, и и́стина госпо́дня пребыва́ет во ве́к.
- Сти́х: го́споди, да не я́ростию твое́ю обличи́ши мене́, ниже́ гне́вом твои́м нака́жеши мене́.
- Кано́н умиле́ния ко Го́споду на́шему Иису́су Христу́ и святы́м му́чеником, глас 2
- Кано́н умиле́ния ко Го́споду на́шему Иису́су Христу́ и святы́м му́чеником, глас 2
- Кано́н умиле́ния ко Го́споду на́шему Иису́су Христу́ и святы́м му́чеником, глас 2
- Кано́н умиле́ния ко Го́споду на́шему Иису́су Христу́ и святы́м му́чеником, глас 2
- Кано́н умиле́ния ко Го́споду на́шему Иису́су Христу́ и святы́м му́чеником, глас 2
- Кано́н умиле́ния ко Го́споду на́шему Иису́су Христу́ и святы́м му́чеником, глас 2
- Кано́н умиле́ния ко Го́споду на́шему Иису́су Христу́ и святы́м му́чеником, глас 2
- Та́же, Досто́йно е́сть: и покло́н. Ектениа́, и свети́лен, и псалмы́ обы́чныя.
- Сти́х: во ца́рствии твое́м помяни́ нас, го́споди, / Егда́ прии́деши, во ца́рствии твое́м.
- Сти́х: Ра́дуйтеся и весели́теся, я́ко мзда́ ва́ша мно́га на Небесе́х.
Ирмо́с: Мглу́ души́ моея́, Спа́се мо́й, разгна́в, све́том за́поведей Твои́х озари́ мя, я́ко еди́н Ца́рь ми́ра.
Грехи́ совокупля́ю безу́мно грехо́м, и восклоне́ния не́сть в сме́рти мое́й: увы́ мне́, ка́ко явлю́ся Христо́ви?
Беду́ прие́млю я́ко кора́бль, погуби́х мое́ бре́мя, е́же ми́ да́л еси́ Ще́дре, и ны́не обнища́в зову́: не пре́зри мене́, Христе́.
Му́ченичен: Я́ко сла́ву презре́вше до́льнюю и попира́емую, небе́сней страстоте́рпцы сподо́бистеся сла́ве, сопребыва́юще Христу́.
Му́ченичен: Любве́ я́же к пло́ти у́м отлучи́вше, ве́рою му́ки усво́исте любе́зно страстоте́рпцы, усвоя́еми Христу́.
Богоро́дичен: Дании́л Тя́ го́ру ве́лию ду́хом зря́ще, Богоро́дице: от нея́же ка́мень отсе́кся, сокруша́ет де́монов истука́нная.
И́н кано́н, ко свято́му честне́йшему проро́ку Иоа́нну Предте́чи, глас 2:
Ирмо́с: Просвеще́ние во тьме́ лежа́щих, спасе́ние отча́янных, Христе́ Спа́се мо́й, к Тебе́ у́тренюю, Царю́ ми́ра, просвети́ мя сия́нием Твои́м: ино́го бо ра́зве Тебе́ Бо́га не зна́ю.
В тече́ниих Иорда́нских струя́ нетле́ния, Предте́че, крести́в Христа́ моли́ истека́ния страсте́й мои́х изсуши́ти, и пото́ки сла́достныя насле́довати, и пра́ведных кра́снаго ра́дования.
Уже́ рыда́ю, и содрага́юся стра́хом, и недоуме́нием всегда́ содержи́мь е́смь, помышля́я моя́ соде́ланная, и бу́дущий Су́д ужа́сный: благоутро́бне Го́споди, пощади́ мя Твоего́ Крести́теля мольба́ми.
Законополага́яй лю́дем спасе́ние, в раска́янии предте́че прегреше́ний бы́вшее, посреде́ зако́на и благода́ти ста́л еси́. Сего́ ра́ди мо́лим тя́: образми́ покая́ния на́с просвети́.
Да́ждь ми́ вре́мя покая́ния, уны́нно преше́дшее, все́ ижди́вшему, Благоде́телю, име́я на сие́ моля́щаго Тя́ Сло́ве, Иоа́нна вели́каго Предте́чу, и покая́ния всеми́рнаго пропове́дника.
Богоро́дичен: Наве́ты и ловле́нии льсти́ваго умертви́хся, Влады́чице Всенепоро́чная, оживи́ мя, я́же ро́ждшая Живо́т все́х, Богоро́дице, ипоста́сный, да Тя́ пою́ благоче́стно Всенепоро́чную.
Пе́снь 6.
|
