Саха оҕото – сир хаһаайына»

↑

▷ Содержание

Стр 1 из 2Следующая ⇒

«Дьоһуннааҕы кэпсэтии»: I-IV кылаас үөрэнээччилэригэр аналлаах

Дьарык тиэмэтэ: «Саха оҕото – сир хаһаайына»

Ыытыллар кэмэ: Муус устар 3 күнэ 2023 сыл.

Сыала-соруга: Оҕоҕо өбүгэ сирин-уотун өйдөбүлүн иҥэрии, уруккуттан илдьэ кэлбит үгэстэри, саха ыалын уратытын өйдөтүү, айылҕаҕа харыстабыллаах сыһыаны үөскэтии.

Үөрэтэр сыаннаһа: Олох, патриотизм, историческай өйдөбүл, көлүөнэ утума.

Ыытыллар бириэмэтэ: 30 мүнүүтэ

Дьарык хаамыыта: Кэпсэтии, мультимедийнэй матырыйаалларга олоҕуран бииргэ үлэлээһин.

Дьарык тутулун сценарийа

1 чааһа. БИЛСИҺИИ

Ханнык тиэмэҕэ кэпсэтии барарын билсиһии.

 (5 мүн.)

 (Слайд көстөр)

УЧУУТАЛ: Үтүө күнүнэн! Оҕолоор, хас биирдии киһи төрөөбүт сирдээх-уоттаах, дойдулаах. Эһиги төрөөбүт дойдугут туһунан тугу билэҕитий?

(Оҕолор эппиэттииллэр).

УЧУУТАЛ: Үгэс быһыытынан, саха ыала аҕаларбыт, эһэлэрбит көлүөнэттэн-көлүөнэҕэ удьуорунан бэриллэр бас билэр сирдээх буолар. Ол сири аҕабыттан бэриллибит сирим диэн ааттыыллар. Оннук өйдөбүл баарын билэҕит дуо?

(Оҕолор эппиэттииллэр).

УЧУУТАЛ: Оҕолоор, кырдьык бэркэ билэр эбиккит, сорохтор саҥа биллигит. Бу олус наадалаах, суолталаах өйдөбүл. Ол иһин бүгүҥҥү уруокпутун төрөөбүт дойдуга тапталтан саҕалыаххайыҥ. Аҕа алааһын суолтатын  туһунан ырыаны истиэххэйиҥ. Анастасия Варламова тыллара уонна мелодията. “Аҕам алааһа”. Ырыаны Анатолий Бурнашев толорор.

(Учуутал ырыаны холбоон иһитиннэрэр)

 ( 3 мүн.)

УЧУУТАЛ: “Аҕам алааһа” ырыаны истэн, сайыны санаатыбыт. Сайын биһиги үгэс быһыытынан дьоммутугар  көмөлөһөн окко оттуубут, айылҕаны кытта ыкса алтыһабыт. Оҕолоор, сайын ким дьонугар окко көмөлөһөрүй? От үлэтин ким билэрий?

(Оҕолор эппиэттииллэр)

УЧУУТАЛ:От үлэтэ биһиэхэ, саха дьонугар, сири-уоту кытта ыкса сибээһи тутар, айылҕаны кытта алтыһар биир саамай сүрүн дьарыкпыт. Хайа уонна сүөһүбүтүн-аспытын иитэрбитигэр, үлэҕэ уһуйар, үөрэтэр сүрүн тирэхпит буолар. От үлэтигэр оҕо этэ-хаана сайдар, тулуурдаах, дьулуурдаах буоллар хаачыстыбата хатарыллар.

Познавательные статьи:



Коммуникативные барьеры и пути их преодоления

Рынок недвижимости. Сущность недвижимости

Решение задач с использованием генеалогического метода

История происхождения и развития детской игры