Мы поможем в написании ваших работ!
ЗНАЕТЕ ЛИ ВЫ?
|
Богослужение Царской Православной Церкви
Содержание книги
- Богослужение Царской Православной Церкви
- Прииди́те, христоимени́тии лю́дие росси́йстии,/ возвели́чим во хвале́ниих прама́терь на́шу,/ ве́лию му́дрость и му́жество показа́вшую,/ сла́ву ми́ра презре́вшую/ и Христа́ Бо&
- Жену́ до́блю кто обря́щет –/ дража́йши есть ка́мения многоце́ннаго такова́я. / дерза́ет на ню се́рдце му́жа ея́,/ такова́я до́брых коры́стей не лиши́тся,/ де́лает бо му́ж
- lt;далее см. основной Чин>. Провозве́стницу ве́ры/ и ко спасе́нию путеводи́тельницу Богоизбра́нную,/ О́льгу прему́друю восхва́лим/ и пе́сньми почти́м святу́ю па́мять ея́,/ мо́лится б
- Пе́снь Богоро́дицы: Вели́чит душа́ моя́ Го́спода: <см. основной Чин>
- Песнь 9. Весели́ся, е́во прароди́тельнице, и́же бо, тя прельсти́в, из еде́ма изведе́,/ ны́не же попра́н есть твои́м исча́дием. / се бо о́льга живо́тное дре́во, крест христо́в, в ро
- lt;далее см. основной Чин>. О, пресла́внаго чудесе́!/ жено́ю па́дший род челове́ческий/ Жено́ю возставля́ет пречу́дно Человеколю́бец Госпо́дь/ и в после́дняя ле́та жену́ посыла́ет/ н
- Утром 24 июля. Вои́стинну в жена́х мудре́йшею показа́лася еси́, о́льго сла́вная,/ лесть язы́ческую отве́ргши, и во христа́ ве́ровавши,/ и влади́мира к тому́ подви́гши;/ не забу́ди
Богослужение Царской Православной Церкви
24 ИЮЛЯ: Преставле́ние святы́я блаже́нныя и равноапо́стольныя О́льги, княги́ни Росси́йския, во свято́м Креще́нии нарече́нныя Еле́ны.
Вечером 23 июля
На Го́споди воззва́х:
Сти́х:Изведи́ из темни́цы ду́шу мою́, испове́датися и́мени Твоему́.
Сти́х: Мене́ жду́т пра́ведницы, до́ндеже возда́си мне́.
Сти́х: Из глубины́ воззва́х к Тебе́, Го́споди, Го́споди, услы́ши гла́с мо́й.
Сти́х: Да бу́дут у́ши Твои́ вне́млюще гла́су моле́ния моего́.
Сти́х: А́ще беззако́ния на́зриши, Го́споди, Го́споди, кто́ постои́т; я́ко у Тебе́ очище́ние е́сть.
Сти́х: И́мене ра́ди Твоего́ потерпе́х Тя́, Го́споди, потерпе́ душа́ моя́ в сло́во Твое́, упова́ душа́ моя́ на Го́спода.
Сти́х: От стра́жи у́тренния до но́щи, от стра́жи у́тренния, да упова́ет Изра́иль на Го́спода.
Глас 4: Я́ко со́лнце, возсия́ нам/ пресла́вная па́мять твоя́, О́льго Богому́драя,/ ма́ти князе́й Росси́йских,/ Христо́ва мизи́ница,/ апо́стольским уче́нием воспита́на,/ возмогла́ еси́ на куми́ры,/ па́че же на диа́вола,/ си́лою Свята́го Ду́ха просвеща́ема,/ от тьмы неразу́мия всю страну́/ и лю́ди к Бо́гу привела́ еси́,/ Его́же моли́ о творя́щих твою́ па́мять.
Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.
В ра́зуме духо́вном,/ и́мже посрами́ла еси́ врага́, прельсти́вшаго Е́ву,/ и сего́ ору́жие сломи́ла еси́,/ богосажде́нный рай церко́вный создала́ еси́,/ в не́мже дре́во живо́тное, Крест, водрузи́ла еси́,/ и трапе́зу Бо́жия бра́шна иму́щи,/ исто́чник неисчерпа́емый кро́ве Христо́вы,/ его́же пи́вши, нетле́нна пребыва́еши,/ за вся ны моля́щися при́сно.
Сти́х: Хвали́те Го́спода вси́ язы́цы, похвали́те Его́ вси́ лю́дие.
Духо́вно возвесели́теся, росси́йстии концы́,/ па́мять чту́ще Ольги Богому́дрыя:/ мо́лится бо вы́ну ко Христу́/ с чудотво́цами и му́чениками,/ помо́щницу иму́щи Святу́ю Богоро́дицу,/ изба́витися от бед и печа́лей/ ве́рою пою́щим ю́/ и кла́няющимся ра́це нетле́ннаго ея́ те́ла.
Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.
|
