Торжеству́ем дне́сь, правове́рнии, во хра́ме Твое́м, Влады́чице,/ и Ты, Пречи́стая, приими́ любо́вию приноси́мыя Тебе́ пе́сни благода́рственныя.. lt;далее см. основной Чин>. Сла́вное

↑

▷ Содержание

⇐ ПредыдущаяСтр 6 из 7Следующая ⇒

Торжеству́ем дне́сь, правове́рнии, во хра́ме Твое́м, Влады́чице,/ и Ты, Пречи́стая, приими́ любо́вию приноси́мыя Тебе́ пе́сни благода́рственныя.

<далее см. основной Чин>

На стихо́вне стихи́ры глас 8:

Сла́вное ико́ны Твое́й на по́ле бра́ни прише́ствие,/ Богоро́дице Непоро́чная, песносло́вим зде́сь/ и Твое́ держа́вное нам заступле́ние/ от наше́ствия ага́рян досто́йно пра́зднуем,/ я́ко бо, Ма́ти су́щи Живота́,/ от напра́сныя сме́рти непови́нных изба́вила еси́/ и гра́ды и ве́си от огня́ и меча́ сохрани́ла еси́,/ Путеводи́тельнице Нело́жная на́шего спасе́ния.

Стих: Помяну́ и́мя Твое́/ во вся́ком ро́де и ро́де.

О, пресла́внаго чудесе́!/ О, боже́ственнаго к нам, гре́шным, долготерпе́ния,/ я́ко, наше́дшим на зе́млю на́шу лю́тым враго́м/ и ве́ре зело́ поруга́емей,/ непостижи́мое возме́здие от ико́ны соверша́ется./ Зри́те у́бо, лю́дие росси́йстии,/ коли́ко мо́жет моли́тва Де́вы Пречи́стыя,/ ка́ко дре́вних чуде́с подо́бие дне́сь нам явля́ется,/ ка́ко страх сме́рти на враги́ обраща́ется,/ беззащи́тный же град, во́пли жен оглаша́емый,/ весе́лием и ра́достию внеза́пу исполня́ется./ Сла́ва Тебе́, Засту́пнице на́ша Блага́я и Ско́рая.

Стих: Слы́ши, Дщи, и ви́ждь,/ и приклони́ у́хо Твое́.

Что Тя нарече́м, Пречи́стая?/ Ре́ку ли ти́ху и многово́дну,/ я́ко скорбьми́ изсуше́нная сердца́ на́ша/ благода́тию напая́еши?/ Сте́ну ли необори́му Христо́вы Це́ркве,/ стра́жа ли гра́да неусы́пна,/ я́ко спаса́еши от враг ви́димых и неви́димых?/ Те́мже, от напа́стей внеза́пных избавля́емии,/ возопии́м Влады́чице:/ ра́дуйся, Всеми́лостивая,/ наде́жды ве́рных не посрамля́ющая.

Сла́ва, и ны́не, глас 4: Пресла́вная дне́сь соверша́ются,/ Возбра́нная Воево́да и Цари́ца Небе́сная/ гряде́т Сама́ на супоста́ты/ и чудотво́рную ико́ну, я́ко щит несокруши́м,/ проти́ву злочести́вых поставля́ет,/ стра́хом ве́лиим и смяте́нием по́лчища вра́жия поража́ет,/ в бе́гство неудержи́мое обраща́ет,/ спаса́ющи от огня́ и лю́тых град и ча́да Своя́.

Познавательные статьи:



Где возникла философия и почему?

Относительная высота сжатой зоны бетона

Сущность проекции Гаусса-Крюгера и использование ее в геодезии

Тарифы на перевозку пассажиров