Мы поможем в написании ваших работ!
ЗНАЕТЕ ЛИ ВЫ?
|
Богослужение Царской Православной Церкви
Содержание книги
- Богослужение Царской Православной Церкви
- Ра́дуйся, ни́щим пита́тельнице неоску́дная,/ си́рым и вдови́цам кре́пкая помо́щнице,/ всем же скорбя́щим утеше́ние;/ ми́лостиву ду́шу твою́ иму́щи,/ с любо́вию и ти́хостию ми&
- Ки́ими похва́льными пе́сньми/ ублажи́м преподо́бную чудотво́рицу,/ вели́кую княги́ню иноки́ню А́нну,/ ве́рным лю́дем засту́пницу те́плую?/ Ве́рою и любо́вию возопии́м ей,
- Степе́нна, 1-й антифо́н 4-го гла́са.
- Пе́снь Богоро́дицы: Вели́чит душа́ моя́ Го́спода: <см. основной Чин>
- Пе́снь 9. И́миже ве́сть судьба́ми прославля́ет госпо́дь святы́я своя́,/ и́хже имена́ напи́сана су́ть на небеси́ в кни́гах живо́тных,/ то́йже и тя просла́ви свои́м ми
- О, пресла́внаго чудесе́,/ я́ко в немощне́м естестве́ ве́лия кре́пость яви́ся,/ и бесо́вская пре́лесть победи́ся,/ и вся ко́зни лука́ваго разруши́шася,/ и наве́ты упраздни́шася
- Утром 25 июня. Дне́сь призыва́ет нас обре́тение честны́х моще́й твои́х, преподо́бная ма́ти А́нно,/ све́тло пра́здновати па́мять твою́,/ дне́сь вси лю́дие веселя́тся, прии́
Богослужение Царской Православной Церкви
25 ИЮНЯ: Пренесе́ние честны́х моще́й преподо́бныя благове́рныя вели́кия княги́ни и́нокини А́нны, Ка́шинския чудотво́рицы.
Вечером 24 июня
На Го́споди воззва́х:
Сти́х:Изведи́ из темни́цы ду́шу мою́, испове́датися и́мени Твоему́.
Сти́х: Мене́ жду́т пра́ведницы, до́ндеже возда́си мне́.
Сти́х: Из глубины́ воззва́х к Тебе́, Го́споди, Го́споди, услы́ши гла́с мо́й.
Сти́х: Да бу́дут у́ши Твои́ вне́млюще гла́су моле́ния моего́.
Сти́х: А́ще беззако́ния на́зриши, Го́споди, Го́споди, кто́ постои́т; я́ко у Тебе́ очище́ние е́сть.
Глас 5. Ра́дуйся, преподо́бная ма́ти,/ вели́кая княги́не иноки́не А́нно,/ благоволи́ бо Бог освяти́ти тя от ю́ности твоея́/ Боже́ственным Свои́м светосия́нием,/ и обогати́ти тя Свое́ю благода́тию,/ и просвети́ти твои́ о́чи серде́чныя,/ во е́же зре́ти к бу́дущему пребыва́нию./ Того́ ра́ди, я́ко ца́рским путе́м,/ ше́ствовала еси́, блаже́нная,/ Христу́ Бо́гу угожда́ющи,/ Ему́же ны́не моли́ся/ дарова́ти нам мир и ве́лию ми́лость.
Сти́х: И́мене ра́ди Твоего́ потерпе́х Тя́, Го́споди, потерпе́ душа́ моя́ в сло́во Твое́, упова́ душа́ моя́ на Го́спода.
Ра́дуйся, преподо́бная ма́ти,/ вели́кая княги́не иноки́не А́нно,/ благоволи́ бо Бог освяти́ти тя от ю́ности твоея́/ Боже́ственным Свои́м светосия́нием,/ и обогати́ти тя Свое́ю благода́тию,/ и просвети́ти твои́ о́чи серде́чныя,/ во е́же зре́ти к бу́дущему пребыва́нию./ Того́ ра́ди, я́ко ца́рским путе́м,/ ше́ствовала еси́, блаже́нная,/ Христу́ Бо́гу угожда́ющи,/ Ему́же ны́не моли́ся/ дарова́ти нам мир и ве́лию ми́лость.
Сти́х: От стра́жи у́тренния до но́щи, от стра́жи у́тренния, да упова́ет Изра́иль на Го́спода.
Ра́дуйся, блаже́нная ма́ти,/ я́ко, подо́бящися А́нне целому́дренней,/ де́нь и но́щь моли́лася еси́ Го́сподеви,/ пребыла́ же еси́ в посте́ и смире́нии, вы́ну твою́ ду́шу снабдева́ющи,/ те́мже угоди́ла еси́ Небе́сному Царю́ и Влады́це всех,/ Ему́же ны́не моли́ся/ дарова́ти нам мир и ве́лию ми́лость.
Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.
|
