Авторы: Әбсәләмова Ынйы Урал ҡыҙы

Әкиәт

Ялҡау тейен балаһы

Авторы: Әбсәләмова Ынйы Урал ҡыҙы

(Абсалямова Энже Ураловна)

5 йәш (22.12.2015)

Баймаҡ районы Иҫке Сибай ауылы

«Сулпылар» балалар баҡсаһы

муниципаль автономиялы мәктәпкәсә белем биреү учреждениеһы тәрбиәләнеүсеһе

Телефон 8 999-132-49 98

guzel.abs@mail.ru

Етәксеһе: Әбсәләмова Гүзәл Азамат ҡыҙы

Ялҡау тейен балаһы

    Борон-борон заманда йәшәгән, ти, тейен. Уның ике ҡыҙы булған. Тейен көн дә иртә менән урманға эшкә киткән, ә ҡыҙҙары донъя көтөп ҡалыр булған. Ләкин уның ике ҡыҙы ике төрлө булған – береһе уңған, ә бәләкәс ҡыҙы иҫ киткес ялҡау икән, ти.

Бер көндө тейен тағы ла эшкә йыйына икән. Ул ҡыҙҙарына:

- Мин эшкә барам ,ә һеҙ өйөгөҙҙө йыйып ултырығыҙ. Аҙаҡ урманға сығып, ҡышҡылыҡҡа бәшмәк йыйығыҙ, тигән.

Әсәләре сығып китеү менән, өлкән ҡыҙы йүгереп йөрөп өйҙө йыйған – иҙәнде һепергән, һауыт-һабаны йыуған. Шунан урманға сығып, күп итеп бәшмәк алып ҡайтып, киптерергә элгән. Ә бәләкәс тейен бер нәмә лә эшләмәгән, телевизор ҡарап тик ултырған.

Кис еткән. Ҡыҙҙарҙың әсәләре ҡайтҡан:

- Йә, ҡыҙҙарым, мин булмағанда нимәләр эшләнегеҙ? – тип һораған ул ҡыҙҙарынан.

- Әсәй, әсәй, мин өйҙә йыйҙым, күп итеп бәшмәк йыйҙым, - тигән өлкән ҡыҙы.

- Үҫкәнем, аҡыллым минең, ярҙамсым минең, - тигән әсәһе. – Бына һиңә шуның өсөн - бүләк! – тигән дә әсәһе, күҙҙең яуын алып торған ҡып-ҡыҙыл күлдәк сығарып биргән ҡыҙына. Быны күреү менән, тейендең бәләкәс ҡыҙы:

- Ә миңә күлдәк ҡайҙа? – тип ҡысҡырып илап ебәргән.

- Ялҡауҙарға бүләк булмай инде, - тигән әсәһе. Бәләкәс тейен балаһы күпме генә иламаһын, уға күлдәк булмаған.

Икенсе көндө тейен тағы ла эшкә киткән. Әсәһе өйҙән сығып китеү менән, бәләкәс тейен балаһы йүгереп йөрөп өйөн йыйған. Шунан апаһы менән бергә урманға барып бәшмәк, сәтләүек йыйған, ти.

Кис еткән. Әсәләре өйгә килеп инеү менән, бәләкәс ҡыҙы уның эргәһенә йүгереп барған да:

- Әсәй, әсәй, мин бөгөн өйҙө йыйыштырҙым, апайым менән урманда бәшмәк, сәтләүек йыйҙыҡ, - тигән.

- Эй, ҡалай уңған минең ҡыҙым, ярҙамсы булып киткән икән дә. Бына һиңә шуның өсөн бүләк, - тигән дә әсәһе, ҡыҙына иҫ киткес йәм-йәшел күлдәк биргән. Тейен ҡыҙы шул тиклем ҡыуанған! Күлдәген кейеп алып, көҙгө төбөндә өйрөлгән дә, әсәһенә рәхмәттәрен әйтеп, иптәштәре янына сығып киткән.

Познавательные статьи:



Психологические особенности спортивного соревнования

Приготовление дезинфицирующих растворов различной концентрации

Занятость населения и рынок труда

Социальный статус семьи и её типология