Богослужение Царской Православной Церкви

↑

▷ Содержание

Стр 1 из 8Следующая ⇒

Богослужение Царской Православной Церкви

23 ИЮЛЯ: Положе́ние ри́зы, я́же есть хито́н, Вели́каго Го́спода Бо́га и Спа́са на́шего Иису́са Христа́.

Вечером 22 июля

На Го́споди воззва́х:

Сти́х:Изведи́ из темни́цы ду́шу мою́, испове́датися и́мени Твоему́.

Сти́х: Мене́ жду́т пра́ведницы, до́ндеже возда́си мне́.

Сти́х: Из глубины́ воззва́х к Тебе́, Го́споди, Го́споди, услы́ши гла́с мо́й.

Сти́х: Да бу́дут у́ши Твои́ вне́млюще гла́су моле́ния моего́.

Сти́х: А́ще беззако́ния на́зриши, Го́споди, Го́споди, кто́ постои́т; я́ко у Тебе́ очище́ние е́сть.

Сти́х: И́мене ра́ди Твоего́ потерпе́х Тя́, Го́споди, потерпе́ душа́ моя́ в сло́во Твое́, упова́ душа́ моя́ на Го́спода.

Сти́х: От стра́жи у́тренния до но́щи, от стра́жи у́тренния, да упова́ет Изра́иль на Го́спода.

Глас 1. Ри́за честна́я Твоя́, Влады́ко,/ я́же Твое́ Боже́ственное и пречи́стое те́ло покрыва́ющая,/ оде́жду исцеле́ний дарова́ нам/ и исто́чник, источа́ющий благода́ти присноживо́тныя во́ды,/ тоя́ пра́зднуем положе́ние,/ воспева́юще Тя, всех Соде́теля.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

Ри́за честна́я Твоя́, Влады́ко,/ я́же Твое́ Боже́ственное и пречи́стое те́ло покрыва́ющая,/ оде́жду исцеле́ний дарова́ нам/ и исто́чник, источа́ющий благода́ти присноживо́тныя во́ды,/ тоя́ пра́зднуем положе́ние,/ воспева́юще Тя, всех Соде́теля.

Сти́х: Хвали́те Го́спода вси́ язы́цы, похвали́те Его́ вси́ лю́дие.

Храм Твой, Влады́ко,/ Твою́ свяще́нную ри́зу я́ко сокро́вище спасе́ния/ и исцеле́ния нося́, освяща́ет вся,/ и́же ве́рою притека́ющия/ и Тя по до́лгу пою́щия всегда́,/ упова́ние душа́м на́шим/ и тве́рдый покро́в и держа́ва.

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Держа́ва непобеди́мая нам, христиа́ном, дарова́ся –/ ри́за Твоя́, Иису́се Спа́се наш,/ е́юже иноплеме́нных язы́цы при́сно побежда́ются,/ и мир Це́ркви Твое́й, Христе́, осеня́ет./ Сего́ ра́ди ве́рою целу́юще ю,/ покланя́емся Тебе́, Человеколю́бче, и мо́лим/ ча́сти сподо́бити нас святы́х Твои́х.

Сла́ва, и ны́не, глас 8: Кресту́ Твоему́ Честно́му/ и ри́зе святе́й покланя́емся, Преблаги́й,/ и любо́вию облобыза́ем,/ сла́вяще Твое́ е́же па́че ума́ соше́ствие,/ и безме́рную ми́лость, и бога́тую благосты́ню,/ и́миже исцеле́ния подава́еши боля́щим/ и спаса́еши челове́ческое еестесто́,/ содержи́мо бы́вшее во тьме прегреше́ний,/ я́ко Человеколю́бец.

<далее см. основной Чин>

Проки́мен после «Све́те ти́хий»: См. Прокимен дня

Познавательные статьи:



Алгоритмические операторы Matlab

Конструирование и порядок расчёта дорожной одежды

Исследования учёных: почему помогают молитвы?

Почему терпят неудачу многие предприниматели?