Богослужение Царской Православной Церкви

↑

▷ Содержание

Стр 1 из 6Следующая ⇒

Богослужение Царской Православной Церкви

23 МАЯ: Свята́го апо́стола Си́мона Зило́та.

Вечером 22 мая

На Го́споди воззва́х:

Сти́х:Изведи́ из темни́цы ду́шу мою́, испове́датися и́мени Твоему́.

Сти́х: Мене́ жду́т пра́ведницы, до́ндеже возда́си мне́.

Сти́х: Из глубины́ воззва́х к Тебе́, Го́споди, Го́споди, услы́ши гла́с мо́й.

Сти́х: Да бу́дут у́ши Твои́ вне́млюще гла́су моле́ния моего́.

Сти́х: А́ще беззако́ния на́зриши, Го́споди, Го́споди, кто́ постои́т; я́ко у Тебе́ очище́ние е́сть.

Сти́х: И́мене ра́ди Твоего́ потерпе́х Тя́, Го́споди, потерпе́ душа́ моя́ в сло́во Твое́, упова́ душа́ моя́ на Го́спода.

Сти́х: От стра́жи у́тренния до но́щи, от стра́жи у́тренния, да упова́ет Изра́иль на Го́спода.

Глас 4. Си́мон чу́дный,/ апо́столов похвала́,/ я́ко луча́ к блиста́ющая, про́йде концы́,/ отгоня́ мрак многобо́жия/ спаси́тельными свои́ми и светолу́чными Боже́ственными уче́нии,/ и всех просвети́ Еди́но сла́вити Божество́ в Трех Ипоста́сех,/ неразде́льно и несеко́мо.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

Си́мон чу́дный,/ апо́столов похвала́,/ я́ко луча́ к блиста́ющая, про́йде концы́,/ отгоня́ мрак многобо́жия/ спаси́тельными свои́ми и светолу́чными Боже́ственными уче́нии,/ и всех просвети́ Еди́но сла́вити Божество́ в Трех Ипоста́сех,/ неразде́льно и несеко́мо.

Сти́х: Хвали́те Го́спода вси́ язы́цы, похвали́те Его́ вси́ лю́дие.

Си́мон апо́стол,/ обте́к концы́,/ я́коже ко́ло, валя́яся,/ всю зе́млю попали́ идолонеи́стовства/ и, благоче́стием просвети́в,/ све́тлы лучи́ возжже́ ве́рным благода́ти:/ вся бо просве́ти Еди́но сла́вити Божество́ в Трех Ипоста́сех,/ неразде́льно и несеко́мо.

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Си́мон апо́стол,/ всесве́тлый и пречу́дный,/ язы́ков учи́тель, мре́жа Боже́ственная,/ из глубины́ поги́бельныя нас улови́вшая Богосло́вием высо́ким,/ и́стинный пропове́дник,/ вся ко Христо́ву позна́нию ны́не му́дре приведе́/ и своя́ исправле́ния предло́жь трапе́зу красну́.

Сла́ва, глас 2: Ре́вности тезоимени́т наре́клся еси́, Си́моне досточу́дне:/ ревну́я, поревнова́л еси́ Бо́гу Вседержи́телю,/ и, Боже́ственных тя чуде́с испо́лнь, показа́,/ стра́нну бо ре́вность име́я,/ тезоимени́т ре́вности, блаже́нне, назва́лся еси́/ и нра́ву зва́ние согла́сно стяжа́л еси́./ Те́мже в вы́шних сын, с вы́шними ли́ки вселя́емь,/ моли́лся, Богови́дче, Сло́ву, Христу́ Бо́гу на́шему,/ дарова́ти нам ве́лию ми́лость.

И ны́не, пра́здника.

<далее см. основной Чин>

Проки́мен после «Све́те ти́хий»: См. Прокимен дня

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США