Прошения и молитва для благодарственного молебна

Прошения и молитва для благодарственного молебна

по случаю окончания школы

На мирной ектении:

    Миром Господу помолимся.

    …

О еже милостивно нынешнее благодарение и мольбу нас, недостойных рабов Своих в пренебесный Свой жертвенник прияти и благоутробно помиловати нас, Господу помолимся.

О еже не возгнушатися благодарением нашим, во смирении сердца приносимом, о благодеяниих в научении книжнем и благом возрастании, Господу помолимся.

О еже преуспевати рабом Твоим сим премудростию и благочестием, православную веру в чистоте хранити и добродетельным житием себе украшати, Господу помолимся.

О еже ныне услышати глас моления нас, недостойных рабов Своих, и добрая намерения и желания наша во благое исполнити, яко да Церкви и Отечеству нашему во здравии со усердием послужим, Господу помолимся.

О избавитися нам от всякия скорби:

    Заступи, спаси, помилуй:

Пресвятyю, Пречиcтую, Преблагословeнную, слaвную Владычицу нaшу Богородицу и Приснодеву Марию со всеми святыми помянyвше, сaми себе и дрyг дрyга, и вeсь живот нaш Христу Богу предадим.

Возглaс: Яко подобает Тебе всякая слава, честь и поклонение Отцу и Сыну и Святому Духу ныне и присно, и во веки веков.

Лик: Аминь.

На сугубой ектении:

Помилуй нас, Боже, по велицей милости Твоей:

…

Благодаряще со страхом и трепетом, яко раби непотребнии, Твоему благоутробию, Спасе и премудрости Подателю, о Твоих благодеяниих, яже излиял еси изобильно на рабех Твоих, и припадаем, и славословие Тебе яко Богу приносим, и умиленно вопием: избави от всех бед рабы Твоя, и всегда яко Милостив исполни во благих желание всех нас, прилежно молимся Ти, услыши и помилуй.

Еще молимся Господу Богу, премудрости Подателю, о еже милостивно нынешнее благодарение и мольбу нас, недостойных рабов Своих, в Пренебесный Свой Жертвенник прияти, благоутробно помиловати и помощь к продолжению научения нам подати, рцем вси, Всещедрый Господи, услыши и помилуй.

Еще молимся Господу Богу нашему, призревшему милостивно на рабов сих, и низпославшему им духа премудрости, разума и благочестия, и просветившему их светом Своего благоразумия, и подавшему им силу и крепость к приятию полезнаго учения, о еже преуспевати им благими делы во славу Пресвятаго Его Имени, рцем вси: Господи, услыши и милостивно помилуй.

Еще молимся Тебе, Преблагий Господи, о еже отгнати от рабов Твоих сих вся душетленныя страсти и худыя обычаи, и вложити в сердца их страх Божественный ко исполнению заповедей Христовых и даровати им здравие и долголетие, услыши и помилуй.

Еще молимся о милости, жизни, мире, здравии, спасении, посещении, прощении и оставлении грехов рабов Божиих, зде начальствующих, учащих и учащихся.

Возглас: Услыши ны, Боже, Спасителю наш:

                                                        Молитва

Господи Боже и Создателю наш, образом Твоим почтивый человека и мудростию украсивый его, яко да владычествует над всею землею и наречет имена всему творению Твоему!

Благодарим Тя, яко призрел еси на рабы Твоя зде учившияся и низпослал еси им разум и премудрость к приятию благаго и полезнаго учения. Обаче памятствующе глаголы Твоя, реченная апостолом: оставите детей и не возбраняйте им приити ко Мне, таковых бо есть Царствие Небесное, молим Тя: избави рабов Твоих сих от пути губительнаго, сохрани в Православной вере, во всяком благочестии и чистоте во вся дни жития их, да преуспевают в доброделании и во исполнении заповедей Твоих и будут наследницы Царствия Твоего. Яко Ты еси Бог силен в милости, и благ в крепости, и Тебе подобает всякая слава, честь и поклонение, Отцу и Сыну и Святому Духу ныне и присно, и во веки веков. Аминь.

Познавательные статьи:



Где возникла философия и почему?

Относительная высота сжатой зоны бетона

Сущность проекции Гаусса-Крюгера и использование ее в геодезии

Тарифы на перевозку пассажиров