Сказание о начале царства Казанского и о взятии онаго (фрагмент).

↑

▷ Содержание

⇐ ПредыдущаяСтр 2 из 3Следующая ⇒

Царь же князь великии, вземъ благословение и прощение отъ духовнаго отца своего <…> и аки пардусъ (леопард) ярости наполнився бранныя, и вседъ (сел) на избранныи свои конь съ мечемъ своимъ, и скача вопияше воеводамъ мечемъ маша: "что долго стоите безделны? Се приспе время потружатися малъ часъ и обрести вечную славу", и хотеша въ ярости дерзнути съ воеводами самъ итти къ приступу въ велицемъ полце (во главе многочисленного полка) и собою дати храбрости начало всемъ, но удержаша воеводы (воеводы удержали его) <…> и отведоша въ станъ его, и увещевающи его тихими словесы: "тебе убо, о царю, спасти себе и насъ; аще бо мы все избьени будемъ, а ты будеши здравъ, то намъ будетъ честь и слава и похвала во всехъ земляхъ, и останутся у тебя сынове наши и внучата и сродники, то и паки вместо насъ будутъ безъ числа служащихъ ти; аще ли же мы все спасемся и тебе единого самодержца изгубимъ, таковая намъ будетъ слава и похвала, но стыдъ, и срамъ, и поношение, и уничижение вечно, и останемся аки овечная стада, въ пустыняхъ и въ горахъ бродяще, снедаемы отъ волкъ, и не имущи пастыря". Онъ же пришедъ во умъ свои отъ ярости зелныя, и позна, яко не добро есть безумное дерзновение, и пусти ко граду впреди великии полкъ, пешихъ оружниковъ за великими щитами древяными, по 30 человекъ, ко всемъ вратомъ

Самъ же отъехавъ зъ братомъ своимъ, со княземъ Владимеромъ, и со царемъ Шигалеемъ, и стояше, и смотряше издалеча. Воеводы же ко граду приступльше и врата града изломиша, и во градъ внидоша (вошли), и путь всюде сотвориша всему Рускому воинству, и самодержцово знамя вознесше на граде поставиша, христьянское победителство на поганыхъ являющи всемъ; и приидоша русские во градъ на конехъ своихъ, яко грозныя тучи съ великимъ громомъ, лиющеся со всехъ странъ, аки силная вода, во все врата, и въ проломы, съ обнаженными копии и съ мечи, другъ друга поникающи, и вопиюще: “Дерзаите, не боитеся, о друзи и братия, и поспешите на дело Божие; се Христосъ невидимо помогаетъ намъ”. И не удержаша ихъ ни реки, ни глубокия рвы и вся крепость Казанская, но яко птица чрезъ ихъ прелетаху, и ко граду припадаху, и прилипаху. Казанцы же со стенъ градныхъ кидаху на землю. И смерть свою предъ очима своима видяше, и лучше живота смерть вменяху, яко не лестно за законъ свои и за отечество и за градъ свои пострадаша. Съ некихъ же Казанцовъ сниде смертный страхъ, и охрабришася, сташа во вратехъ града и у полыхъ местъ, сняшася съ Русью, и съ Татары смешася сечемъ великимъ, съ прежними же и зъ задними, иже кои во граде, и крепце сецахуся, яко звери дивии рыкающе. И страшно бо видети обоихъ храбрости и мужества. И спрескотаху копия, и сулицы, и мечи въ рукахъ ихъ и, яко громъ силенъ, гласъ и кричание отъ обоихъ вои гремяше. И мало бившеся и потопташа Казанцовъ Русь, и вогнаша ихъ въ улицы града.

“Милостивъ буди намъ”, вопияху, “самодержче Московскии, и прости намъ всего нашего зла и беззакония нашего”. <…> И плакаху Казанцы плачемъ великимъ, раздирающе въ тугахъ на себе ризы своя, и обнимающи отцы сыновъ своихъ, матери же чадъ своихъ, и проливающи слезы горкия. “Увы”, вопияху. И покивающи главами своими плеваху, и проклинаху мирская зачатия ихъ змииная и аспидова рожения (проклинали своё змеиное происхождение). И донесошася плачеве, жалостныя речи Казанцовъ во уши самодержчевы. И еще милостивая утроба сердцемъ своимъ пожале о нихъ, забывъ злобы ихъ и неправды, и повеле воеводамъ да уимутъ отъ сеча (прекратят битву), – и не бе ихъ мошно унятии (невозможно было их унять), ни ярости воинества утолити. Казанцы бияхуся нещадно съ Русью, каменемъ и дреколемъ. И скоро побеждени бываху Казанцы, яко трава посецахуся.

Познавательные статьи:



Коммуникативные барьеры и пути их преодоления

Рынок недвижимости. Сущность недвижимости

Решение задач с использованием генеалогического метода

История происхождения и развития детской игры