Vieljärven kielipezän lapsienkazvattajan morali

↑

▷ Содержание

Стр 1 из 2Следующая ⇒

Kielipezän kazvattajal pidäy tiediä:

1. Lapseh koidujat oigevukset da vällyöt

2. Karjalan kielen da karjalazien kanzallizen kul`tuuran, karjalan rahvahan da karjalan kielen histourien perustan

3. Kielipezä-tehnolougien

4. Ven`an Federatsien lapsienkazvatandan opastusstandartoin perustan

Kielipezän kazvattajal pidäy:

1. Maltua karjalan kielen

2. Olla hyvin lapsienke, vahnembienke da kylän eläjienke, kielipezäh käyjienke

3. Tiediä pedagougiekan da lapsien psiholougien perustehet

Kielipezän ruadajan kieli. Omaničenviendy:

1. Tiijän da suvaičen karjalan kieldy. Kunnivoičen kyläs eläjii kaikkii kanzoi

2. Ylbeilen sidä ku karjalan kieldy maltajannu voin harjaittua sih lapsii

3. Pagizen lapsienke vai karjalakse kui kielipezäs mugai sen ulgopuolel

4. En pagizuta lastu vägehes karjalakse. Autan lastu ellendämäh da spruavivumah karjalan kieles. Luajin kaiken ku lapsel olis himo allata ellendämäh da pagizemah karjalan kieldy. Annan lapsele oigevuon ičel vallita paginkielen

5. En verdaile lapsien suavutuksii. Jogahine lapsi on omaluaduine da harvinaine

6. Pagizen karjalakse toizien ruadajienke da Karjalan Kielen Kodih käyjienke

7. Ainos opiin parandua da kehittiä karjalan kielen neroloi. Käytän hyväkse toizii pagizijoi, luven da kirjutan karjalakse, kačon/kuundelen TV- da raadivolähetyksii, kuundelen muuzikkua, käytän internettua da m.i.

8. En varua, engo huijustelei omii kielihairahtuksii. Kyzyn nevvuo da abuu

9. Pien ruadosanakniigastu, kunne panen kai uvvet minuh niškoih sanat. Käytän sidä joga päiviä

10. Käytän hyväkse muijien nevvot minun kielineron da kielipezäs ruandan čottah

Kielipezän ruadai:

1. Yhtyy  karjalazien kanzallisliikkeheh

2. Yhtyy Karjalan Kielen Koin toimindah

3. Tiluau da lugou «Oma mua» -lehtie

Kielipezän ruadai on:

1. Uvvenkeksii, tiijonhimoniekku, rakas opastundah da kehityndäh, aktiivine, nevvonkuundelii

2. Käyttäy internettua, tiedokonehtu, maltau löydiä pädevät tiijot.

3. Puhtahuonsuvaičči, šuorivunnuh ruadoh kebjiesti da näbiesti.

4. Maltai paista rahvahanke, olla valmis pagizutandah da sanelendah.

5. Rahvahansuvaičči da rauhalline.

Kielipezän ruadai mustau ku:

1. Kielipezän eloloin vardoičendu da ruokos piendy kuulutah moralisiändöih.

2. Kielipezän siändälöin paheksimine, morualitoi omaničenviendy, varrastandu da kielastandu voijah olla vijannu ruvospäi lähtendäl.

3. Ainos vojii kehoittua ruavon parandamistu da kohedamistu.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США